ჟოზე მოურინიომ "მანჩესტერ იუნაიტედის" წინასასეზონო საქმიანობის დაწყების თარიღი გამოაცხადა.

"ინსტაგრამზე" მოურინიოს ბოლო პოსტი ატვირთული ფოტოსურათია, რომელიც აუზში მოვარჯიშე მოურინიოს გადაუღეს და ზედ დართულია წარწერა: "6 ივლისს ნამდვილად ფორმაში ვიქნები... თუ დაღლილი!?!? გმადლობთ, ბავშვებო".

წინათ "იუნაიტედის" ფეხბურთელებმა მიანიშნეს, რომ კლუბის სავარჯიშო ბაზას 4 ივლისს დაუბრუნდებიან, ხოლო ჟოზე მოურინიომ "წითელი ეშმაკების" მთავარი მწვრთნელის პოსტის დაკავების შემდეგ პირველ ინტერვიუში განაცხადა, რომ სამსახურს 7 ივლისს დაიწყებდა.

"შემიძლია ვთქვა, რომ ბედნიერი და ამაყი ვარ, რომ ჩემთვის პატივია, მაგრამ რეალობა ის არის, რომ მე მიყვარს მუშაობა და მოუთმენლად ველი 7 ივლისს, რათა მოედანზე გავიდე", - განაცხადა მოურინიომ.

"იუნაიტედთან" დაახლოებულმა წყაროებმა კი მედიას განუცხადეს, რომ ფეხბურთელები 1 ივლისის შემდეგ სხვადასხვა დროს დაუბრუნდებიან გუნდის შემადგენლობას, რაც შეეხება ფორმალურ ვარჯიშს, ის ან 6 ან 7 ივლისს დაიწყება.

მოურინიო კი აკონკრეტებს თარიღს და აცხადებს, რომ 6 ივლისს სამსახურს შეუდგება.



წყარო: M.E.N.