9-06-2016, 14:12

ავტორი: RojoDiablo,

ნანახია: 2184,

კომენტარები: 15

მარკუს რეშფორდი თავისი პროგრესის შესახებ

ახალგაზრდა ფორვარდი თავისი წარმატების შესახებ ალაპარაკდა.

მარკუს რეშფორდმა საერთაშორისო და საკლუბო დონეზე თავისი წარმატების შესახებ ისაუბრა.

18 წლის ფორვარდმა "მანჩესტერ იუნაიტედში" თავისი სადებიუტო შეხვედრა "მიდტიულანდის" წინააღმდეგ თებერვალში ჩაატარა, მას შემდეგ კი "წითლებს" დაეხმარა ინგლისის თასის მოგებაში და როი ჰოჯსონის გუნდში ევროპის ჩემპიონატზეც მოხვდა. მარკუსი გათამაშების ყველაზე ახალგაზრდა ფეხბურთელია.

"სამი ლომის" პირველი მატჩის წინ რეშფორდი FATV-ს ესაუბრა: "შობის პერიოდში 21-წლამდელთა გუნდთან ერთად ვშრომობდი და უცებ პირველ გუნდში გამოვჩნდი.

შანსითვის ყოველთვის მზად უნდა იყო. გულახდილად რომ გითხრათ, ინგლისის ნაკრებში მოხვედრაზე ბევრს არ ვფიქრობდი, რადგან "იუნაიტედში" ჯერ კიდევ ბევრი მატჩი გვქონდა დარჩენილი. მთელი ჩემი ყურადღება ამ მატჩებისკენ იყო მიპყრობილი. სეზონის მიწურულს უკვე დაიწყო საუბრები, მაგრამ ახლა ინგლისის ნაკრებში ყოფნა ნამდვილად გასაოცარია".

რეშფორდმა თავისი ქვეყნის ეროვნული ნაკრების რიგებში ჩატარებულ პირველ და ჯერჯერობით ერთადერთ მატჩში მოახერხა გოლის გატანა, როცა "სტედიუმ ოფ ლაითზე" ავსტრალიელთა კარი აიღო.

"სიმართლე გითხრათ, ამაზე საერთოდ არ ვფიქრობდი, რადგან ასეთ შემთხვევაში შენ დაძაბულობას იგრძნობ და ხალხი შენი თამაშის მიმართ მოლოდინს იქმნის. პირადად მე მხოლოდ მატჩზე, ჩემს თამაშზე ვფიქრობდი და უცებ გოლიც გავიტანე. კარგი დასაწყისია.

როცა გასახდელ ოთახში შევედი და ფეხბურთელების ზურგზე მათ გვარებს ვკითხულობდი, თვალებს ვერ დავუჯერე. მახსოვს, როგორ წავედი შემდეგ სახლში და ჩემს ძმას მოვუყევი, ის დამეთანხმა - არც მას ეგონა, რომ ეს რეალობა იყო. სწორედ ასე ხდება, სანამ ყველაფერს შეეგუები.

ბავშვობაში სახლში და მანქანაში ყოფნისას მე თავად ვაფრიალებდი დროშას, ასე რომ, ახლა გუნდში ყოფნა და ჩემი ქვეყნის დახმარება გასაოცარი შეგრძნებაა".

წყარო: manutd.com

ინტერვიუები

15 კომენტარი

№1

ავტორი: t123123

9 ივნისი 2016 14:23

სიახლეები: 0
კომენტარები: 381

ბევრი უნდა გიტანოო

№2

ავტორი: giorgiginturi

9 ივნისი 2016 14:25

სიახლეები: 0
კომენტარები: 513

უნიჭიერესი ხარ მარკუს, საღოლ შენ დიდი გზა გაქვს იუნაიტედში და მომავალი ლეგენდა უნდა გახდე , მიდი მიაწექი მხოლოდ ფეხბურთი ძმა და მერე სხვა რამე wink

იბრას გვერდით, უკეთ დაიხვეწები და მიხვდები თუ როგორ უნდა გაიტანო ლამაზი და შორეული გოლებიც.... fellow

რუნი და მარსიალი კი გყავს გვერდით გამაოგნებელი პასის მომცემები... winked

მიდი მიდი იუნაიტედ, გამიხალისე ცხოვრება და ჩვეენ გულშემატკივრებსაც გაგვიხარე გული.
უახლოეს წლებში ჩემპიონთა ლიგას ველი თქვენგან ძმებოოოო wink

მაგრად მჯერავს რომ იბრაგიმოვიჩი გადმოვა ჩვენთან და არა მხოლოდ ერთი წელიწადი ის დარჩება და მომავალ წელს ლიგას ასწევს მანჩესტერთან ერთად....

(მანჩესტერ იუნაიტედი)

№3

ავტორი: ikeoni

9 ივნისი 2016 14:30

სიახლეები: 0
კომენტარები: 11522

Unichieresi bichiii didi momavlit<3 <3 <3

№4

ავტორი: SANDROGRIGA

9 ივნისი 2016 14:32

სიახლეები: 1
კომენტარები: 11136

ყველაზე კარგ სიზმარშიც არ დაესიზმრებოდა ალბათ ამ ასაკში ნაკრებში მოხვედრა და მითუმეტეს ევროპაზე წასვლა

№5

ავტორი: RojoDiablo

9 ივნისი 2016 14:35

სიახლეები: 7071
კომენტარები: 8687

მიხარია, რომ ასეთი თავმდაბალია. თუ არ ვცდები, ეს მისი მეორე ინტერვიუა სულ. ერთი მიდტიულანდთან მატჩის შემდეგ გააკეთა, ისიც რამდენიმე სიტყვა და ერთიც ახლა. სწორიცაა, რომ ჯერ ასე ხშირად არ აქვს ურთიერთობა პრესასთან.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№6

ავტორი: hemi

9 ივნისი 2016 14:41

სიახლეები: 0
კომენტარები: 738

მიდი რეშფორდ შენი იმედი გვაქვს ყველას, როგორც კი შანსს მიიღევ გამოიყენე, ნაკრებშიც გამოცდილება დააგროვე პროგრესირდი და მსოფლიოში საუკეთესო დადექი, წარმატებები ლეგენდა უნდა გახდე არ გაგვიცრუო სხვებისავით იმედები

№7

ავტორი: Iunaitedi

9 ივნისი 2016 14:57