"მანჩესტერ იუნაიტედის" მარცხენა მცველი ლუკ შოუ თავის თანაგუნდელებზე საკუთარ მოსაზრებას გვიზიარებს.

დავიდ დე ხეა: "გასახდელ ოთახში ის უდიდესი ადამიანია და ასევე ყველაზე სასიამოვნოც. ყოველთვის გეკითხება როგორ ხარ და გეხუტება".

მატეო დარმიანი: "ის 100 პროცენტით ფიქრობს ყოველ იმ წვრილმანზე, რასაც აკეთებს მოედანზე და მის ფარგლებს გარეთ. მე მგონი, იმაზეც კი, ლანჩს როგორ ჭამს!"

ფილ ჯონსი: "ის ყველაზე ცუდად ცეკვავს მათ შორის, ვინც კი ოდესმე მინახავს. როცა სპორტდარბაზში ცეკვას ცდილობს, უბრალოდ გული აგერევა. ცოტა სასაცილოა".

მარკოს როხო: "მარკოსში რაც ყველაზე მეტად მომწონს, ეს არის მისი დამოკიდებულება "იუნაიტედისადმი". ყოველი მატჩის შემდეგ შეიძლება დაინახო, რას ნიშნავს მისთვის შედეგი".

კრის სმოლინგი: "მისი ხმის გამო დავცინით, რადგან გეგონება, ის არ ლაპარაკობსო, მაგრამ ისე კარგი ბიჭია".

დეილი ბლინდი: "დეილის ყოველ დილით ვეუბნები, რომ საშინლად იცვამს: დიდი ტყავის ჟაკეტი, ჯინსი და ასე შემდეგ".

კამერონ ბორტუიკ-ჯექსონი: "მისი სირბილის მანერას ვერ შევეგუე. ადამიან-დინოზაურს ჰგავს! იქნებ წინასასეზონო ტურნეზე ცოტა ტექნიკაზე ევარჯიშა".

ანტონიო ვალენსია: "ეს ბიჭი მანქანაა. დიდი, ძლევამოსილი, ათლეტური".

ტიმოთი ფოსუ-მენსა: "მას ყველას დამტვრევა, ყველგან სირბილი სურს - კერძოდ, ერთ დღეს ყველა გაგვაღვიძა ღამის 2 საათზე და მხოლოდ იმის გამო, რომ ერბინა!"

მაიკლ კერიკი: "კარასი გუნდში მამის როლს ასრულებს. რჩევებს იძლევა და ხალხზე ზრუნავს, რადგან მზურნველი კაცია".

მორგან შნეიდერლინი: "სპორტდარბაზიდან ვერასდროს გამოიყვან. იქ ყოფნა უყვარს."

მარუან ფელაინი: "ფელის სიახლოვეს მოედანზე არ უნდა გაიარო, რადგან ისევე ვარჯიშობს, როგორც თამაშობს".

ეშლი იანგი: "გუნდის ჯოკერი და ალბათ, ყველაზე სასაცილო კაცი, ვისაც კი ოდესმე შევხვედრივარ. კარგი მეგობრები ვართ მიუხედავად იმისა, რომ მოედანზე პოზიცია წამართვა!"

ანდერ ერერა: "ვფიქრობ, ანდერი ესპანელებს შორის ჯოკერია. ესპანურ მუსიკაზე თავისი შარვლით ცეკვავს და ყველას აცინებს. ყველამ ნახეთ, როგორ იცეკვა, როცა ტიტული მოვიგეთ".

მემფისი: "მისი გადმოსვლის დღიდან ერთმანეთს კარგად შევეგუეთ და ერთად თამაში მას მერე გვენატრება, რაც ტრავმა მივიღე."

ხუან მატა: "ალბათ, ყველაზე სასიამოვნო ფეხბურთელი, ვისაც შევხვედრივარ. ისიც სასაციოლა".

ჯესი ლინგარდი: "მისი მუსიკა უყვარს და ყოველთვის ცეკვავს გასახდელ ოთახში. ხანდახან გართობა გვჭირდება, მას კი ამის მოცემა შეუძლია."

უეინ რუნი: "როგორც კაპიტანი, ის დიდებული. როცა საქმე ცუდად მიდის, მისი საუბრის მოსმენას არ გირჩევთ, დამიჯერე!"

ადნან იანუზაი: "ის ისეთი კარგი ფეხბურთელია. მჯერა, რომ მსოფლიოში ერთ-ერთი საუკეთესო გახდება თუ თავის პოტენციალს გამოვლენს."

ენტონი მარსიალი: "რასაც მარსიალი ბურთით აკეთებს, საშიშია და ეს ყველამ იცის. ის აკეთებს ყველაფერს, რის ხილვაც გულშემატკივრებს სურთ".

მარკუს რეშფორდი: "ის დაიჯერებელი იყო, ყოველთვის ჩვენი ერთ-ერთი საუკეთესო ფეხბურთელია".

წყარო: manutd.com