ჟოზე მოურინიოს აცნობეს, რომ "მანჩესტერ იუნაიტედიდან" ლუი ვან გაალის წასვლის შემთხვევაში მთავარი მწვრთნელის პოსტზე ის დაინიშნება.

მოურინიომ 13 მაისს Sky Sports-ს დაუდასტურა, რომ ჯერჯერობით არავითარი შეთანხმებისთვის არ აქვს მიღწეული და ახლა ცხოვრებისგან სიამოვნების მიღებით არის დაკავებული.

ხოლო, როცა იმავე მედიის წარმომადგენლებმა ჰკითხეს, ჰქონდა თუ არა შეთავაზება "მანჩესტერ იუნაიტედისგან", მან უპასუხა: "არავისგან".

თუმცა Sky-ს წყარო იტყობინება, რომ მოურინიო ცენტრალურ ლონდონში ჟორჟე მენდეშთან და მის ადვოკატთან სადილობისას თავისი მომავლის შესახებ საუბრობდა.

როცა Sky Sports News-მა მენდეშს მოურინიოს შესახებ კომენტარის გაკეთება სთხოვა, პორტუგალიელმა აგენტმა უარით უპასუხა და ორშაბათს ღამით ლონდონი დატოვა.

ერთი რამ კი ცხადია, მოურინიო ივლისში აუცილებლად დაუბრუნდება სამწვრთნელო საქმიანობას და როცა მას ამის შესახებ ჰკითხეს, შემდეგი პასუხი გასცა: "ამის შესახებ მართლა არაფერი ვიცი. კლუბი არ მაქვს. ივლისში დავბრუნდები".

"მანჩესტერ იუნაიტედმა" კომენტარი არ გააკეთა.

Sky Sports News იმასაც ადასტურებს, რომ "პარი სენ-ჟერმენის" მხრიდან მოურინიოსადმი ინტერესი არ გამქრალა და ის ლორან ბლანის შემცვლელად მოიაზრება.

პარიზელებმა პორტუგალიელს ჩემპიონთა ლიგაზე "მანჩესტერ სიტისთან" დამარცხებისთანავე მიმართეს, მაგრამ მოურიომ მოცდა და "ოლდ ტრაფორდზე" მიმდინარე მოვლენებზე დაკვირვება გადაწყვიტა, რადგანაც მისთვის პრემიერ ლიგა პრიორიტეტული ჩემპიონატია.

წყარო: skysports