"მანჩესტერ იუნაიტედის" მთავარმა მწვრთნელმა ლუი ვან გაალმა ახსნა, თუ რატომ არ ითამაშა "ნორვიჩ სიტისთან" შეხვედრაში მარკუს რეშფორდმა.

თინეიჯერმა რამდენიმე მნიშვნელოვან შეხვედრაში სრული მონაწილეობა მიიღო და გამომდინარე იქიდან, რომ რეშფორდი მხოლოდ 18 წლისაა, ვან გაალმა მისი დასვენება გადაწყვიტა, რადგანაც, მისი აზრით, რეშფორდი გადაიღალა. ენტონი მარსიალის ტრავმის ფონზე თავდამსხმელის პოზიციაზე უეინ რუნი მოგვევლინა.

"მატჩებში ხედავდით, რომ მარკუსი ვეღარ აკეთებდა იმას, რასაც საწყის მატჩებში. თავიდან ამის უარყოფას დააპირებ და მასაც ეტყვი, მაგრამ მერე დაფიქრდები, გადაღლილობა ხომ არ არის მიზეზიო. ასე რომ, იმედი მაქვს, ეს ორი დღე მას სტიმულს მისცემს მომდევნო შეხვედრაში მონაწილეობისთვის, რადგანაც წინ "ვესტ ჰემთან" მატჩია, რაც ადვილი არ არის.

სამშაბათს მატჩი რომ არ გვქონდეს ჩასატარები, დღეს არ დავასვენებდი, მაგრამ ახლა მხოლოდ ორი დღე გვაქვს ფორმის აღდგენისთვის. ამ ფეხბურთელებისთვის ეს ძალიან ცოტაა", - განაცხადა ვან გაალმა.

ვან გაალს მიაჩნია, რომ უეინ რუნიმ დაკისრებულ მოვალეობას კარგად გაართვა თავი და არ შეცდა, როცა მარსიალის პოზიციაზე ადნან იანუზაი არ ათამაშა, რომელმაც 21-წლამდელთა გუნდში პარასკევს ერთი ტაიმი ითამაშა.

"ადნანმა გუშინ ერთი ტაიმი ითამაშა და ეს პირველი ტაიმი მეორე გუნდში ჩაატარა. თავდამსხმელად მას ვერ დავაყენებდი, ასე რომ, რუნის უნდა აეღო ეს ვალდებულება და თავი კარგად გაართვა, რამეთუ ფანტასტიკური პასი მისცა ხუან მატას. უეინ რუნი ჩვეულებრივ ნომერი 10-ის პოზიციაზე თამაშოს, ასე თუ ისე."

წყარო: manutd.com