ლუი ვან გაალმა "მანჩესტერ იუნაიტედისა" და "ნორვიჩ სიტის" მატჩის შემდეგ მნიშვნელოვან თემებზე ისაუბრა.

მნიშვნელოვანი გამარჯვება

დიახ, მნიშვნელოვანია, რომ ჯერ კიდევ საქმეში ვართ და ამ საქმეში ყოფნა ჩვენს კონკურენტებზე ზეწოლას ზრდის. ძალიან მნიშვნელოვანია. ბედნიერი ვარ. ადვილი არ იყო, რადგან "ნორვიჩი" გადარჩენისთვის იბრძვის და უნდა მოგვეგო, რადგან "ლესტერის" წინააღმდეგ ორი ქულა დავკარგეთ. ახლა კვლავ რბოლაში ვართ.

ცხელი ამინდი

ამინდი დიდ სხვაობას იძლევა. გასულ კვირას, მეტ-ნაკლებად სიცივე იყო, ახლა კი 35 გრადუსი. ფეხბურთელებს სახეზე ეტყობათ სიცხე და ძალიანაც დაიღალნენ. მაგრამ მოვიგეთ, ეს კარგია.

"ვესტ ჰემი" შემდეგში

ჯერ კიდევ რთულია. ახლა გასვლაზე "ვესტ ჰემს" უნდა ვეთამაშოთ და ინგლისის თასის მეოთხედფინალში უკვე ვნახეთ, რომ ადვილი არ არის. ასე რომ, ეს გამარჯვება უნდა გავიმეოროთ. "ვესტ ჰემი" კარგი გუნდია- შემთხვევითი არ არის, რომ სატურნირო ცხრილის ტოპ-ექვსეულში იმყოფება. თასზე გაგვიმართლა. ვფიქრობ, გამარჯვება დავიმსახურეთ, მაგრამ გაგვიმართლა, რომ "ვესტ ჰემს" ბოლო წუთზე გოლი არ გავატანინეთ.

ბლინდისა და რეშფორდის დასვენების გადაწყვეტილება

ყოველთვის მნიშვნელოვანი ფაქტორია, რომ გადაწყვეტილების ხელახლა მიღება არ შეგიძლია. ვფიქრობ, მათ დასვენება სჭირდებოდათ და დაინახავდით, რომ სხვებსაც სჭირდებათ. მაგრამ ყველას ვერ დავასვენებ და პრობლემაც სწორედ ეს არის. ასეთი გადაწყვეტილება მატჩის წინ უნდა მიიღო და არა მისი დაწყების შემდეგ. მატჩის მერე რაც გინდა ის გადაწყვიტე, მაგრამ ეს უკვე აღარ ითვლება. ვიფიქრე, რომ დეილისა და მარკუსს უნდა დაესვენათ, რადგან ბევრ მატჩში მიიღეს მონაწილეობა, თითქმის ყველა მატჩში. რეშფორდი ახალგაზრდაა და ბოლო 10 მატჩში მიიღო მონაწილეობა, ასე რომ, მისთვის ადვილი არ არის და დასვენება სჭირდება. მინდოდა, მას ამ მატჩში არ ეთამაშა. უკვე გვქონდა სირთულე, სანამ მატეო დარმიანს დავკარგავდით, მატჩის წინ ენტონი მარსიალს.

სუპერ სმოლინგი

ის ძალიან მნიშვნელოვანია, რა თქმა უნდა, რადგანაც მაღალი ფორვარდების წინააღმდეგ ითამაშა- კამერონ ჯერომისა და მერე დეიუმერსი მბოკანის. მაგრამ საწყის წუთებში დე ხეას მიერ განხორციელებული სეივიც ასევე მნიშვნელოვანი იყო.

"არსენალის" გულშემატკივრობა კვირას

ხვალ ასე თუ ისე "მეთოფეთა" გულშემატკივარი ვიქნები, მაგრამ ამ გუნდებს შორის რთული მატჩი შედგება. მით უმეტეს "რეალთან" წაგების შემდეგ, "მანჩესტერ სიტისთვის" ადვილი არ არის თავის ხელში აყვანა.

წყარო: manutd.com