"მანჩესტერ იუნაიტედის" მარცხენა მცველი ლუკ შოუ "იუნაიტედის" ოფიციალურ ტელევიზიას ესაუბრა და განაცხადა, რომ მიმდინარე სეზონში გულშემატკივართა კიდევ ერთხელ ხილვა სურს.

შოუმ სეზონი შესანიშნავად დაიწყო, მაგრამ სათამაშო ფორმა მოედანზე გასვლის შანსთან ერთად დაკარგა, როცა სექტემბერში ჩემპიონთა ლიგის მატჩში პსვ-ს წინააღმდეგ ფეხის ორმაგი მოტეხილობა მიიღო.

დარბაზსა და საცურაო აუზში გატარებული რამდენიმე თვის შემდეგ 20 წლის მცველი ღია ცის ქვეშ ვარჯიშებს 4 აპრილს დაუბრუნდა, თუმცა ჯერ მხოლოდ ფიზიოთერაპევტთან ვარჯიშობს.

Manchester United Foundation-ზე დასწრების შემდეგ ინგლისელი კლუბის ოფიციალურ ტელევიზიას გაესაუბრა.

ლუკ, დიდებულია ვარჯიშებზე დაბრუნება და რომ კარგად გამოიყურები...

"ღია ცის ქვეშ ვარჯიშებს ახლა დავუბრუნდი, ჯერ კიდევ ფიზიოთერაპევტთან ერთად, მაგრამ დღითი დღე უკეთ ვხდები და ფორმაში ვდგები. ამიერიდან სეზონის ბოლომდე ასე გავაგრძელებ და ვნახავ, რა მოხდება. ამჟამად ყოველთვის, როცა გარეთ გავდივარ, ფეხებზე დისკომფორტს არ ვგრძნობ. დასაწყისში ყრუ ტკივილები მქონდა, მაგრამ ახლა ისიც გაქრა. ახლა მხოლოდ მძიმე შრომაზე გადასვლაღა დარჩა და იმედი მაქვს, გულშემატკივარს სეზონის დასრულებამდე კიდევ ვიხილავ."

როცა ფეხბურთელი ტრავმას იღებს, მისთვის რთული უნდა იყოს გასახდელი ოთახის გარემოსთან განშორება, ასე რომ, დიდებულია გასახდელ ოთახში კიდევ ერთხელ დაბრუნება?

"დიახ, რა თქმა უნდა. ფეხბურთი ძალიან მენატრებოდა. ძალიან მიჭირდა მისი ყურება, რადგან ძალიან მენატრებოდა და უბრალოდ იქ ყოფნა მინდოდა. ახლა დაბრუნების პროცესში ვარ და შემიძლია, ყურებითაც დავტკბე, რადგან მოედანზე მალე ისევ გავალ ბიჭებთან ერთად. მათთან ერთად გასახდელ ოთახში ყოფნა დიდებულია, ასე რომ, მოუთმენლად ველი".

სამედიცინო შტაბი როგორ გეპყრობოდა გამოჯანრმთელების პროცესში?

"ჰო, ბრწინყვალედ. როგორც ვთქვი, მათთვისაც არ იყო ადვილი, რადგან ხანდახან ჩემს უხასიათობას უნდა გამკლავებოდნენ, მაგრამ ეს მომენტი ყველამ წარმატებით გამოვიარეთ. უღრმესი მადლობა მათ! ჯერ არ გავსულვარ, მაგრამ ჩემი დატვირთვა კვლავ გრძელდება. მთელ შტაბს მადლობა ყველაფრისთვის, რაც გააკეთეს და რაც ბოლო შვიდ თვეში ჩადეს".



წყარო: manutd.com