"ვესტ ჰემი"

"ჩაქუჩების" შემადგენლობას უბრუნდებიან ენერ ვალენსია, ვიქტორ მოზესი და ჯოი ო'ბრაიანი.

გასვლაზე "ვესტ ბრომთან" წაგების შემდეგ გუნდი პრემიერ ლიგაში 47 ქულით მეექვსე ადგილს იკავებს.

"მანჩესტერ იუნაიტედმა" საკუთარ მოედანზე ჩატარებული ბოლო 4 თამაში მოიგო და მათში 12 გოლი გაიტანა - ზუსტად იმდენი, რამდენიც "ოლდ ტრაფორდზე" ჩატარებულ წინა 13 მატჩში.

ინგლისის თასი

ინგლისის თასი 11-ჯერ მოიგეს ("არსენალის" შემდეგ მეორე საუკეთესო შედეგი), უკანასკნელად 2004 წელს, როცა "მილენიუმზე" "მილუოლს" 3-0 სძლიეს.

ტურნირის ფინალში შვიდჯერ დამარცხდნენ, ბოლოს "ჩელსის" წინააღმდეგ 1-0 ანგარიშით, 2007 წელს.

გასულ სეზონში ტურნირზე გამოსვლა მე-6 რაუნდში "არსენალთან" "ოლდ ტრაფორდზე" მეოთხედფინალურ მატჩში დამარცხების შემდეგ დაასრულეს.

ტურნირის მიმდინარე გათამაშების მესამე რაუნდში "იუნაიტედმა" "შეფილდ იუნაიტედი" დაამარცხა 1-0 უეინ რუნის მიერ გატანილი თეთმეტმეტრიანი დარტყმით, მე-4 რაუნდში გასვლაზე "დერბი ქაუნთის" სძლია 1-3, ხოლო მე-5 რაუნდში "შრუსბერის" 3-0.

"მანჩესტერ იუნაიტედმა" ინგლისის თასის მე-6 რაუნდში პრემიერ ლიგის გუნდების წინააღმდეგ ჩატარებული ბოლო ორი მატჩი წააგო ერთნაირი ანგარიშით 1-2 - 2014 "სუონსისთან", 2015 წელს "არსენალთან".

"იუნაიტედმა" ინგლისის თასის მიმდინარე გათამაშებაში ჩატარებულ სამ მატჩში ერთადერთი გოლი გაუშვა.

ლუი ვან გაალმა ინგლისის თასზე ჩატარებული 8 შეხვედრიდან 6 მოიგო - 6 მოგება, 1 ფრე, 1 წაგება.

"ვესტ ჰემი"

გასვლაზე "ევერტონის" დამარცხების შემდეგ გუნდი 49 ქულით მე-6 ადგილს იკავებს პრემიერ ლიგაში.

"ვესტ ჰემმა" ყველა ტურნირზე ჩატარებული ბოლო 15 მატჩიდან 10 მოიგო - 10 მოგება, 3 ფრე, 2 წაგება.

ინგლისის თასი

"ვესტ ჰემი" ინგლისის თასის სამგზის მფლობელია - 1964, 1975 და 1980 წლებში.

"ჩაქუჩები" ორჯერ დამარცხდნენ ტურნირის ფინალში - 1923 და 2006 წლებში.

უკანასკნელად ტურნირის ფინალში "ლივერპულს" დაუპირისპირდნენ და პენალტების სერიაში დამარცხდნენ.

2011 წლის შემდეგ "ვესტ ჰემი" პირველად გავიდა ინგლისის თასის მეოთხედფინალში.

მიმდინარე სეზონის გათამაშებაში მესამე რაუნდში "ვულვერჰემპტონს" სძლიეს 1-0, მეოთხე რაუნდში გადათამაშებაში დაამარცხეს "ლივერპული" 2-1, ხოლო მეხუთე რაუნდში "ბლექბერნი" 5-1 გაანადგურეს.

ინგლისის თასის მიმდინარე სეზონის გათამაშების ბოლო 2 მატჩში "ჩაქუჩებმა" 7 გოლი გაიტანეს.






წამყვანი ბომბარდირები: რუნი – 14 გოლი (7 ლიგაში).

თუ მოედანზე მაიკლ კერიკი გავა, თავისი ყოფილი გუნდის წინააღმდეგ ითამაშებს.

"ვესტ ჰემი"

წამყვანი ბომბარდირები: პაიე - 10 გოლი (8 ლიგაში)

"ვესტ ჰემის" შემადგენლობაში ჩატარებულ ბოლო 3 მატჩში ნახევარმცველმა მაიკლ ანტონიომ 3 გოლი გაიტანა.

ურთიერთშეხვედრები

გუნდები ერთმანეთს ყველა ტურნირის ეგიდით 131-ჯერ შეხვდნენ. "იუნაიტედმა" 61-ჯერ იზეიმა გამარჯვება, "ვესტ ჰემმა" 42-ჯერ, ხოლო 28 მატჩი ფრედ დასრულდა.

"ჩაქუჩებს" "ოლდ ტრაფორდზე" გამართულ ბოლო 9 მატჩში არ მოუგიათ (8 მოგება, 1 ფრე).

ინგლისის თასზე

ინგლისის თასზე გუნდები ერთმანეთს 10-ჯერ შეხვდნენ. ორივე გუნდმა 4-4 გამარჯვება მოიპოვა, 2 მატჩი კი ფრედ დასრულდა, რასაც გადათამაშება მოჰყვა.

ინგლისის თასზე გუნდები კენჭისყრის შედეგად 9-ჯერ შეხვდნენ ერთმანეთს. თითოეული კლუბი ორ-ორჯერ გავიდა მომდევნო ეტაპზე, წარმატებები კი გუნდებმა მონაცვლეობით იზეიმეს.

გუნდების უკანასკნელი შეხვედრა პრემიერ ლიგაში

"მანჩესტერ იუნაიტედი" 0-0 "ვესტ ჰემი"

5 დეკემბერი, 2015 წელი
მსაჯი: მარკ კლატენბურგი

გუნდების უკანასკნელი შეხვედრა ინგლისის თასზე

"მანჩესტერ იუნაიტედი" 1-0 "ვესტ ჰემი"

16 იანვარი, 2013 წელი
ინგლისის თასის მე-3 რაუნდის გადათამაშება (პირველი მატჩი 2-2)
გოლი "იუნაიტედის" რიგებში: რუნი 9'



მთავარმა მსაჯმა მარტინ ატკინსონმა მიმდინარე სეზონში ყველა ტურნირზე 37 მატჩი განსაჯა, 132 ყვითელი და 1 წითელი ბარათი აჩვენა.