გვარდიოლას გადაწყვეტილებამ დიდი ალიაქოთი გამოიწვია პრემიერ ლიგაში, მაგრამ იგი არ არის დაუმარცხებელი.
გვარდიოლას გადაწყვეტილებამ დიდი ალიაქოთი გამოიწვია პრემიერ ლიგაში, მაგრამ იგი არ არის დაუმარცხებელი - ქვემოთ ნაჩვენებია თუ როგორ შეუძლია "იუნაიტედს" მისი შეჩერება.
პეპ გვარდიოლა მისი თაობის საუკეთესო მწვრთნელია და როგორც მოგეხსენებათ, იგი მანჩესტერის ლურჯ მხარეს შეუერთდა.
ესპანელმა სპეციალისტმა თავისი შესაძლებლობები მთელ ევროპას დაუმტკიცა და "მანჩესტერ სიტის" ღრმად სწამს, რომ საჭირო ადამიანი მოიყვანეს, რომელიც შეძლებს გუნდისთვის ევროპის საუკეთესო თასის მოპოვებას.
იგი, ალბათ, "ბარსელონას" საუკეთესო არქიტექტორია. გვარდიოლას სრული თავისუფლება ექნება, რათა მორიგი ხელოვნების ნიმუში შექმნას "ეტიჰადზე".
ამის მიუხედავად - გჯერათ თუ არა - იგი სრულიად არ არის დაუმარცხებელი როგორც უმეტესობას ჰგონია.
"ოლდ ტრაფორდი" ყველანაირად ეცდება იპოვოს გამოსავალი და არ მისცეს 45 წლის ესპანელს საკუთარი შესაძლებლობების გამოვლენის უფლება. "იუნაიტედი" უკვე შეეგუა იმ აზრს, რომ გვარდიოლა ქალაქის მეორე მხარეს დაბანაკდა.
გვარდიოლათი "წითლებიც" ინტერესდებოდნენ, მაგრამ თავად სპეციალისტმა, როგორც წყაროები იუწყებიან, რამდენიმე თვით ადრე შეატყობინა "სიტის" მისი გადაწყვეტილების შესახებ.
თუმცა, ამის მიუხედავად, "იუნაიტედის" ხელმძღვანელები ამბობენ, რომ ესპანელით არ ინტერესდებოდნენ. ასე იყო თუ ისე, ახლა "მანჩესტერი" მის წინააღმდეგ საბრძოლველად ემზადება.
გვარდიოლა საშიშია, დიახ.
მაგრამ დაუმარცხებელი? არა!
ჟოზე მოურინიოს "ინტერმა" შეძლო გვარდიოლას "ბარსელონას" ბარიერის დაძლევა ჩემპიონთა ლიგის ფარგლებში.
მსოფლიოს საუკეთესო გუნდს შანსი ჰქონდა დაეცვა ტიტული და გამხდარიყო პირველი გუნდი ამ საუკუნეში, რომელიც ზედიზედ შეძლებდა ამ თასის მოგებას, თუმცა, "განსაკუთრებულმა" კატალონიელთა გეგმები ჩაშალა 2010 წლის ნახევარფინალში.
სრულიად არ არის გასაკვირი, რომ "იუნაიტედის" გულშემატკივრები მოურინიოს ითხოვენ სეზონის ბოლოს. ბოლო ინფორმაციით, ცნობილი გახდა, რომ პორტუგალიელი სპეციალისტი მალე "მანჩესტერ იუნაიტედს" ჩაიბარებს.
მაგრამ მაურინიო არ არის ერთადერთი, რომელმაც გვარდიოლას დაჩაგვრა შეძლო.
კარლო ანჩელოტის "რეალმა" დაამარცხა მისი "ბაიერნი" 2014 წელს ჩემპიონთა ლიგის ნახევარფინალში "ალიანს არენაზე" 4-0, ხოლო საერთო ჯამში 5-0.
ასევე, იგივე საფეხურიდან მოისროლა გვარდიოლა ლუის ენრიკეს "ბარსელონამაც" ერთი წლის წინ - 5-3 საერთო ჯამში.
მუდმივი თემა ის არის, რომ მხოლოდ საუკეთესოთა შორის საუკეთესოებს შეუძლიათ პეპის დამარცხება.
მთავარი მომენტი "იუნაიტედის" ისტორიაში - არის ის, რომ გუნდმა ორჯერ გაუშვა ჩემპიონთა ლიგა ხელიდან სამი მცდელობიდან - ამიტომ, გუნდმა უნდა ჰკითხოს საკუთარ თავს, აქვს თუ არა მას ყველა რესურსი პეპის დასამარცხებლად.
თუ არა, მაშინ მათ აუცილებლად უნდა იპოვონ გამოსავალი და პორტუგალიელის დანიშვნა არ იქნება ურიგო დაწყება.
წყარო-manchestereveningnews