29-01-2016, 14:28

ავტორი: ViDa,

ნანახია: 5000,

კომენტარები: 14

რამ/ვინ შეიძლება იხსნას იუნაიტედი?

ნერვიულობა და გაურკვევლობა სუფევს "ოლდ ტრაფორდზე" გასული მარცხის შემდეგ, რის გამოც ვან გალი ზეწოლას განიცდის.

ნერვიულობა და გაურკვევლობა სუფევს "ოლდ ტრაფორდზე" გასული მარცხის შემდეგ, რის გამოც ვან გალი ზეწოლას განიცდის.

0-1 მარცხის შემდეგ "საუტჰემპტონის" წინააღმდეგ, ჰოლანდიელმა განაცხადა, რომ მისი გუნდი არც ისე კარგად გამოიყურებოდა.

"ვწუხვარ, რომ გულშემატკივრებს იმედებს ვუცრუებ. მათ აქვთ, ან ჰქონდათ დიდი მოლოდინი ჩემს მიმართ, მაგრამ ამ მოლოდინს ვერ ვამართლებ და ამის გამო იმედგაცრუებული ვარ" - აცხადებს ვან გალი. ეს სიტყვები ისე ჟღერდა, რომ მან იცის ან შიშობს, რომ მისი დრო წასულია.

გუნდი ხუთი ქულით ჩამორჩება ტოპ-ოთხეულს და ათი ქულით პირველადგილოსანს. შეცვლიან თუ არა "მანჩესტერ იუნაიტედის" ხელმძღვანელები მდგომარეობას? თუ ისინი ამის გაკეთებას დააპირებენ, როგორ გავლენას იქონიებს ეს გუნდზე? ქვემოთ ჩვენ განვიხილავთ "მანჩესტერის" სავარაუდო გამოსავალს...

ვან გაალის დათხოვნა კონტრაქტის ამოწურვამდე

"ოლდ ტრაფორდის" ამჟამინდელ მწვრთნელს კონტრაქტი 2017 წლის ზაფხულამდე აქვს და ორივე მხარე იმაზე შეთანხმდა, რომ გაფორმებულ ხელშეკრულებას პატივს სცემენ. ამის მიუხედავად, ვან გაალის პოზიცია გუნდში დღითიდღე რთულდება და უკანასკნელმა შედეგმა ნათლად გვაჩვენა, რომ გულშემატკივრებს ჰოლანდიელის ხილვა აღარ სურთ.

ცვლილებების განხორციელება ზაფხულში

"რჩეულთან", ანუ დევიდ მოიესთან გაწყვეტილმა კონტრაქტმა უხერხულ მდგომარეობაში ჩააყენა "იუნაიტედი", რადგან გუნდი მუდამ გამოირჩეოდა მოთმინებით და სამომავლო გეგმით. ვან გაალის გაძევება შუა სეზონში იმის მანიშნებელი იქნება, რომ "მანჩესტერი", როგორც სხვა დანარჩენი გუნდები პანიკის ღილაკს გამოიყენებს. სასურველი იქნება, ცვლილებები ზაფხულში განხორციელდეს, რაც თავიდან ააცილებს გუნდს ამ პრობლემას. თუმცა, ბოლო შედეგები განგაშს იწვევს და თუ ხელმძღვანელობა ფიქრობს, რომ ჰოლანდიელის დათხოვნა სიტუაციას შეცვლის, მაშინ მათ ეს უნდა გააკეთონ.

ვან გაალის დათხოვნა და რაიან გიგზის დანიშვნა

ლოგიკური იქნება, თუ ლუი ვან გალს დაითხოვენ და მის ნაცვლად "მანჩესტერ იუნაიტედის" რეკორდსმენს, რაიან გიგზს დანიშნავენ. რაიანს ოთხმატჩიანი გამოცდილება უკვე აქვს, როდესაც მოიესი გააძევეს. ოთხიდან მან ორი მატჩის მოგება შეძლო და ერთი ფრედ ითამაშა. გუნდს შეუძლია უელსელი, როგორც დროებითი, ასევე ხანგრძლივი პერსპექტივით გამოიყენოს. პირველ შემთხვევაში, მათ საშუალება ექნებათ ზაფხულში ვინმე ახალი მოიყვანონ, თუ გიგზმა არ გაამართლა. ხოლო წარმატების შემთხვევაში, იგი ხანგრძლივი პერსპექტივით დარჩება. როგორც გუნდის ხელისუფლებას, ასევე გულშემატკივრებს, მეორე ვარიანტი სურთ, მაგრამ არსებობს დიდი რისკი, რადგან გიგზს თითქმის არავითარი გამოცდილება არ აქვს, როგორც მწვრთნელს.

ჟოზე მოურინიოს ვარიანტი

"ჩელსის" ყოფილი თავკაცი ერთადერთი რეალური ვარიანტია. მოურინიომ შესაძლოა, ბევრი რამ შეცვალოს წარმატებისკენ, მაგრამ მისი ტაქტიკა ნეგატიურ შთაბეჭდილებას ტოვებს, რაც დამატებით პრობლემებს მოუტანს გუნდს.

ბრძოლა გვარდიოლასთვის

თუ "მანჩესტერ იუნაიტედი" ზაფხულამდე მოიცდის, მაშინ გვარდიოლას გადაბირებასაც შეძლებს. "ბარსელონას" ყოფილმა მწვრთნელმა უკვე განაცხადა, რომ ზაფხულში ტოვებს "ბაიერნს" და პრემიერ ლიგაში გადაბარგდება. "მანჩესტერ სიტი" ფავორიტია ამ ბრძოლაში, მაგრამ თუ "იუნაიტედი" სერიოზულად მიუდგება ამ საკითხს, მაშინ ესპანელი ვერ იტყვის უარს ამ შემოთავაზებაზე.

წყარო-independent

სტატიები

14 კომენტარი

№1

ავტორი: I L C

29 იანვარი 2016 15:12

სიახლეები: 85
კომენტარები: 1917

აზრი ერთია რომ გუნდი გუარდიოლას ელოდება :)

_ _ _ _ _ _ _ _ _ _ _ _ _ _ _ _ _ _ _ _

United are the team for me,
With a nick nack paddy whack give the dog a bone,
Why don’t city f**k off home?

№2

ავტორი: ViDa

29 იანვარი 2016 15:25

სიახლეები: 132
კომენტარები: 450

არ ვიცი, ძაან რთული სიტუაციაა და ნაღდად არ მინდა ხელმძღვანელების ადგილზე ყოფნა ახლა. სერიოზული გადაწყვეტილების წინაშე დგანან. მთავარია ვან გალი მოგვაშორონ და მერე რამე იქნება

_ _ _ _ _ _ _ _ _ _ _ _ _ _ _ _ _ _ _ _

"My greatest challenge is not what’s happening at the moment, my greatest challenge was knocking Liverpool right off their fuckinging perch. And you can print that."

№3

ავტორი: rezimankunia

29 იანვარი 2016 15:38

სიახლეები: 0
კომენტარები: 237

tu gvardiola gvinda chempionta ligis sagzuri unda movipovot isic 3e adgilit :))) tvitonac tqva argadaval iset klubshi tu chempionta ligaze ariqnebao misi sityvebia

№4

ავტორი: RojoDiablo

29 იანვარი 2016 15:45

სიახლეები: 7065
კომენტარები: 8687

გვარდიოლას მოსვლის იმედი ჯერ კიდევ აქვს ხალხს, მაგრამ არც ჭორის დაწყებისას მჯეროდა და არც ახლა მჯერა, რომ მოვა. დიდად არც მინდა, რომ მოვიდეს, მაგრამ პრემიერ ლიგაში თუ გადმოვა, მაინტერესებს როგორ იმუშავებს, აქ სულ სხვა დონის კონკურენცია დახვდება და მიხვდება, რომ ჩემპიონატი 2 გუნდის თამაში არ არის.

გიგზის ვარიანტი კიდევ უფრო აფსურდულია.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№5

ავტორი: abrama

29 იანვარი 2016 15:46

სიახლეები: 1
კომენტარები: 1000

Pepis garda veravin gviahvelis.
Mou vapshe ar minda meee.
Unai emerzec sheidzleva chalichi

№6

ავტორი: ვახო ( G G M U)

29 იანვარი 2016 16:09

სიახლეები: 0
კომენტარები: 4327

ნამდვილად რთული სიტუაციაა და აქ ჩამოთვლილ 3 ვარიანტს თავისი დადებითი და უარყოფითი მხარეები აქვს. ნუ გიგზი იდეალურად იცნობს გუნდს, მაგრამ გამოცდილება არ აქვს, მოურინიოს სტილი ძალიან განსხვავდება მანჩესტერის სათამაშო სტილისგან და რაც შეეხება გვარდიოლას, მას არასოდეს უმუშავია პრემიერ ლიგაში და მე პირადად არც მის სათამაშო სტილზე ვგიჟდები, თუმცა ერთ-ერთი საუკეთესო მწვრთნელი, რომ არის მაგაზე დავა არც ღირს. ვნახოთ რა იქნება მომავალში, დიდი ალბათობით ზაფხულამდე ალბათ არაფერი შეიცვლება.

№7

ავტორი: GeorgeBest

29 იანვარი 2016 16:17