დენი უელბეკი უკვე დიდი ხანია ''წითელი ეშმაკების'' სასტარტო შემადგენლობაში ვეღარ ხვდება, თუმცა ფორვარდი იმედოვნებს, რომ ის მზად არის ამისთვის და გრძნობს, რომ მისი დრო დგება...

შენთვის როგორი სეზონი გამოდგა?

სეზონის პირველ ნახევარში, ჩემი ადგილი არ იყო. შარშან სასტარტო შემადგენლობაში ვთამაშობდი, თუმცა წელს სკამზე მიწევს ჯდომა. თუმცა ყოველი წუთით ვტკბები, როდესაც მოედანზე ვიმყოფები. ბედნიერი ვარ, რომ გუნდი შედეგს აღწევს. ჩვენ შესანიშნავად ვასპარეზობთ ჩემპიონატში და ამასთანავე ჩემპიონთა ლიგის ნახევარფინალში გავედით, რაც ყველაზე მნიშვნელოვანია.

რამდენად მძიმეა შენთვის, როდესაც სათამაშო პრაქტიკას არ ღებულობ?

სინამდვილეში, მომთმენი უნდა იყო. ყოველ ვარჯიშზე ორმაგად ვვარჯიშობ, რადგანაც დადგება დრო როდესაც ჩემი ძალების გამომჟღავნება მომიწევს.

ყველა ''იუნაიტედის'' წარმოუდგენელ თავდასხმაზე საუბრობს. რობინ ვან პერსი, უეინ რუნი, ჩიჩარიტო და შენ...

ბედნიერი ვარ, რომ ასეთ ხალხთან ერთად მიწევს თამაში. ჩვენ ერთ ერთი საუკეთესო გუნდი ვართ მსოფლიოში, და საუკეთესო ფეხბურთელებიც გვყვავს. სერ ალექს ფერგიუსონმა იცის, თუ რომელი ფეხბურთელი უნდა გამოიყვანოს მოედანზე, რათა გუნდმა წარმატებას მიაღწიოს.

სერ ალექს ფერგიუსონმა ახლახანს გამოაცხადა, რომ თქვენ მალე ტოპ თავდამსხმელი გახდებით.

მე ამაზე არაფერი ვიცოდი. სერ ალექს ფერგიუსონს ჯერა ჩემი, ამიტომაც ვცდილობ, რომ სერ ალექსი თავის ნათქვამში არ შეცდეს. ყველაფერს გავაკეთებ, რათა უმაღლეს დონემდე მივაღწიო. ''იუნაიტედში'' არ ვიქნებოდი, თუ ამის არ მეჯერებოდა.

2013 წელს რა მიზნები გაქვთ?

ამაზე დიდხანს ვფიქრობდი. მე უბრალოდ მსურს ''მანჩესტერ იუნაიტედში'' თამაში, გოლების გატანა და ამით სიამოვნების მიღება.