"მანჩესტერ იუნაიტედის" მთავარმა მწვრთნელმა, ლუი ვან გაალმა აღნიშნა, რომ თავდამხმელის პოზიციაზე კონკურენციის არ სჯერა და "ოლდ ტრაფორდზე" დარჩენილ მცირეთა შორის არჩევანის გაკეთებას ამჯობინებს.

მწვრთნელმა არ შეიძინა რადამელ ფალკაო, რომელიც იჯარის წესით იმყოფებოდა "იუნაიტედში", გაყიდა რობინ ვან პერსი "ფენერბაჰჩეში", ხავიერ ერნანდესი კი "ლევერკუზენში", ხოლო ჯეიმს უილსონი ამჟამად იჯარის წესით "ბრაიტონში" ასპარეზობს.

უეინ რუნი და ენტონი მარსიალი ერთადერთი თავდამსხმელები არიან გუნდში. მიუხედავად გატანილი გოლების სიმცირისა, მწვრთნელს არ სჯერა, რომ პრობლემა იანვარში გადაწყდება და თავისი ფეხბურთელებისადმი რწმენას ინარჩუნებს.

"სუონსისთან" მატჩამდე გამართულ პრესკონფერენციაზე ვან გაალმა ახსნა: "ყველა თავდამსხმელის დატოვება შეგვეძლო და შემდეგ ბევრი თავდამსხმელი გვეყოლებოდა, რომლებიც ბედნიერები არ იქნებოდნენ. მათ წასვლა ენდომებოდათ. ერნანდესის ამბავს ჰგავს. მას თამაში სურდა და ამ სამყაროში ყოველთვის ვერ ითამაშებ.

ჩემს გუნდში ახლაც არიან ფეხბურთელები, რომლებსაც თამაში სურთ, მაგრამ ვერ თამაშობენ, რადგან მე სხვებს ვამჯობინებ. ყოველთვის ასე ხდება. ერთსა და იმავე პოზიციაზე ძალიან მაღალი დონის ბევრი ფეხბურთელიც დიდი ზეწოლაა. ახლა შეცვლის შანსი არ მაქვს.

პოზიციისთვის დიდი კონკურენციის არ მჯერა. მე ნდობისა და თავდაჯერებულობის მჯერა. შესაძლოა, შეცდომაა, კარგი, მაგრამ მთელი ცხოვრება ასე ვიქცეოდი. მოთამაშეების მჯეროდა", - განაცხადა ვან გაალმა.

წყარო: manutd.com