პსვ

"მანჩესტერ იუნაიტედი", რომელიც B ჯგუფის ლიდერია, გამარჯვების შემთხვევაში ჩემპიონთა ლიგის პლეი-ოფის საგზურს გაინაღდებს.

"ოლდ ტრაფორდზე" მოგების შემთხვევაში ჰოლანდიურ პსვ-საც აქვს საშუალება B ჯგუფის ლიდერი გახდეს.

მემფის დეპაი ამ მატჩში მონაწილეობის შემთხვევაში საკუთარი ყოფილი გუნდის წინააღმდეგ ითამაშებს, რომელიც მიმდინარე წლის ზაფხულს დატოვა.

ფილიპ კოკუ თავის ყოფილ მწვრთნელს, ლუი ვან გაალს დაუპირისპირდება, რომელიც "ბარსელონასა" და ჰოლანდიის ნაკრებში მუშაობის დროს წვრთნიდა.

პირველი ტურის მატჩში, რომელიც ეინდჰოვენში გაიმართა, მემფის დეპაის გოლს ექტორ მორენომ და ლუსიანო ნარსინჰმა უპასუხეს. მატჩის 2-1 დასრულდა.



2000/2001 წლების ჩემპიონთა ლიგის ჯგუფურ ეტაპზე გამართულ შეხვედრაში პოლ სქოულზის მიერ მესამე წუთზე გატანილ პენალტს პსვ-მ უიფრიდ ბაუმას, მარკ ვან ბომელისა და მატეა კეჟმანის გოლებით უპასუხა და შეხვედრა 3-1 მოიგო.

"ოლდ ტრაფორდზე" ჩატარებულ საპასუხო შეხვედრაში გუნდებმა როლები გაცვალეს და მატჩი 3-1 დასრულდა "წითლების" გამარჯვებით. ტედი შერინგემის სწრაფ გოლს ვან ბომელმა უპასუხა, მასპინძლებს გამარჯვება კი პოლ სქოულზისა და დუაით იორკის გოლებმა მოუტანა. ვან გაალის ამჟამინდელი ასისტენტი რაიან გიგზი ორივე ამ მატჩში იღებდა მონაწილეობას.

"მანჩესტერ იუნაიტედი" პსვ-ს 1984/85 წლის უეფა-ს თასის მეორე რაუნდშიც შეხვდა, როცა მატჩი ჰოლანდიაში 0-0 დასრულდა, "ოლდ ტრაფორდზე" კი მასპინძლებმა გამარჯვება დამატებით დროში გორდონ სტრაჩანის მიერ გატანილი გოლის წყალობით მოიპოვეს.

მატჩის წინა ფაქტები

"წითელი ეშმაკები" ევრუტურნირების მასშტაბით საკუთარ მოედანზე 2013 წლის 8 მარტის შემდეგ არ დამარცხებულან - 7 მოგება, 1 ფრე.

"მანჩესტერ იუნაიტედის" ერედივიზის წარმომადგენელ კლუბთან უკანასკნელად 2011/12 წლების სეზონში "აიაქსის" წინააღმდეგ დამარცხდა ეროპის ლიგის 1/16 ფინალში. სერ ალექს ფერგიუსონის გუნდმა ორმატჩიანი დუელი ამსტერდამში მოპოვებული 0-2 გამარჯვებით მოიგო.

"იუნაიტედის" მაჩვენებლები ჰოლანდიური კლუბების წინააღმდეგ სახლში ჩატარებულ მატჩებში ასეთია: 5 მოგება, 0 ფრე, 1 წაგება.

პსვ

პსვ ეცდება მიმდინარე წელს ევროტურნირზე გასვლაზე ჩატარებულ მატჩებში პირველი ქულები აიღოს, მანამდე ცსკა-სა და "ვოლფსბურგთან" დამარცხდა.

პსვ-მ ჩემპიონთა ლიგის გასვლით შეხვედრაში ბოლოს 2007 წლის 27 ნოემბერს გაიმარჯვა, როცა ცსკა 0-1 დაამარცხა.

პსვ-ს ბოლო გამარჯვება ინგლისში 2008 წლის 6 მარტით თარიღდება, როცა უეფა-ს თასის 1/8 ფინალში "ტოტენჰემს" ჯეფერსონ ფარფანის გოლით 1-0 სძლია.

პსვ-ს მაჩვენებლები ინგლისში ასეთია: 4 მოგება, 2 ფრე, 9 წაგება.









კოკუ "ბარსელონაში" ვან გაალის ხელმძღვანელობის ქვეშ 1998-2000 და 2000-2003 წლებში თამაშობდა, ხოლო ჰოლანდიის ნაკრებში 2000-01 წლებში.

მოთამაშის რანგში კოკუ "იუნაიტედს" 1998 წლის 16 სექტემბერს დაუპირისპირდა, როცა "ოლდ ტრაფორდზე" გამართულ შეხვედრაში 3-3 დაფიქსირდა, ხოლო "ბარსელონას" ვან გაალი წვრთნიდა.

ვან გაალი პსვ-ს "ბარსელონას" მწვრთნელის რანგში 1997/98 წლების ჩემპიონთა ლიგის ჯგუფურ ეტაპზე დაუპირისპირდა. მაშინ მისმა გუნდმა ორივე მატჩი ფრედ 2-2 ითამაშა და ჯგუფში მეორე ადგილი დაიკავა.

"აიაქსის" მწვრთნელობისას ვან გაალმა ენდჰოვენში ჩატარებულ 6 მატჩში მხოლოდ ერთი გამარჯვება მოიპოვა - 1994/95 წლების სეზონში 4-1. "ალკმაართან" ერთად კი ვან გაალმა პსვ-ს წინააღმდეგ ჰოლანდიის ჩემპიონატში ოთხ გასვლით მატჩში 1 გამარჯვება მოიპოვა, ქვეყნის თასის გათამაშების ნახევარფინალში კი დამარცხდა.

პსვ-ს ამჟამინდელი ფეხბურთელები სტენ სხაარსი და ექტორ მორენო თავის დროზე ვან გაალი ჩემპიონ აზ-ში თამაშობდნენ.

ფლორიან იოზეფზონი და დეილი ბლინდი 2011/12 წლების სეზონში "აიაქსში" ერთად თამაშობდნენ.

ლუკ დე იონგი, ჯეფრი ბრუმა, იერუნ ზუტი და ლუსიანო ნარსინგჰი ჰოლანდიის ნაკრებში დეილი ბლინდის თანაგუნდელები არიან.

გუნდების უკანაკსნელი შედეგები თავიანთი ქვეყნების ჩემპიონატებში:

21.11.2015. "უოტფორდი" 1-2 "მანჩესტერ იუნაიტედი" (დინი 87'(პ) - დეპაი 11', დინი 90 (ავტოგოლი)

"მანჩესტერ იუნაიტედი": დე ხეა, იანგი, სმოლინგი, ჯონსი (მაკნეირი 69), ბლინდი, შვაინშტაიგერი, შნეიდერლინი, მატა (პერეირა 79), ლინგარდი, დეპაი, ერერა (როხო 25).

მდგომარეობა ჩემპიონატში: მე-2 ადგილი, 27 ქულა.

21.11.2015. "ვილემი II" 2-2 პსვ (ფალკენბურგი 55' 62' - პერეირო 11', დე იონგი 73)

პსვ: ზუტი, არიასი, ბრუმა, იზიმა-მირენი, ბრენეტი, გუარდადო, ჰენდრიკსი (მაჰერი 66), პროპერი, პერეირო, დე იონგი, ლოკადია, ნარსინჰი (66).

მდგომარეობა ჩემპიონატში: მე-3 ადგილი, 28 ქულა.

გუნდების სტატისტიკა ტურნირზე