ლუი ვან გაალმა აღნიშნა, რომ "მანჩესტერ იუნაიტედის" გულშემატკივარი უნდა დაფიქრდეს, სანამ სტადიონზე სკანდირებას დაიწყებს.

"წითელი ეშმაკები" "ვესტ ბრომვიჩის" წინააღმდეგ დომინირებდნენ, მაგრამ ანგარიშის გახსნა მხოლოდ 52-ე წუთზე მოახერხეს, როცა ჯესი ლინგარდმა თავისი პირველი გოლი გაიტანა, რასაც შეხვედრის მიწურულს ხუან მატამ პენალტის ზუსტად გამოყენება დაურთო.

ლინგარდის გოლამდე "ოლდ ტრაფორდზე" შეკრებილი გულშემატკივარი გუნდს მოუწოდებდა და "შეტევა, შეტევა, შეტევა" სკანდირებდა.

ვან გაალმა ამის შესახებ განაცხადა: "გულშემატკივართა გრძნობის მესმის. ასეთი დაცვით ორგანიზებული გუნდების წინააღმდეგ უკეთ უნდა შევუტიოთ, მაგრამ ეს ყველაზე რთული სათამაშო სისტემაა, რომელსაც გუნდი უპირისპირდება.

გულშემატკივრით ყოველთვის კმაყოფილი ვარ და უნდა შეეგუოთ, რომ საკუთარი აზრი აქვთ, მაგრამ მიმაჩნია, რომ მათზე პოლ სქოულზმა და მედიაში დაწერილმა კრიტიკულმა აზრმა მოახდინა გავლენა.

მათაც უნდა გააკეთონ ანალიზი. როცა ყვირიხარ "შეტევა, შეტევა, შეტევა" და გუნდი 85 წუთის განმავლობაში უტევს, როგორც ფანმა, უნდა იფიქრო, სწორია თუ არა ამის ყვირილი.

მათ უნდათ გვითხრან, რომ გოლი უნდა გავიტანოთ. ეს დედაჩემმაც იცის და ბებიაჩემმაც. გოლები ყოველთვის ყველაზე მნიშვნელოვანია", - განაცხადა მატჩის შემდეგ ვან გაალმა.

წყარო: dailymail