რიო ფერდინანდი იხსენებს, თუ როგორ მოუვიდა პატარა დაპირისპირება ”მანჩესტერ იუნაიტედის” ფანების ერთ-ერთ ჯგუფთან რვა წლის წინ.იმ დროს ინგლისელი მცველი აწარმოებდა მოლაპარაკებებს კლუბთან ახალ კონტრაქტთან დაკავშირებით.ამის მიუხედავათ, გაზეთებში იწერებოდა, რომ რიო მალე კლუბს დატოვებდა.სიტუაცია გაამწვავა სურათმა, სადაც ფერდინანდი ვახშმობდა პიტერ კენიონთან, რომელიც იმ დროს ”ჩელსის” დირექტორთა საბჭოს წევრი იყო.
ერთ დილას რიომ გაიგო კარზე კაკუნის ხმა, თან დაცვის კამერებზე არავინ ჩანდა.”მე წავედი კარისკენ, ავიღე ჯოხი და მინდოდა აგრესიულად დავპირისპირებოდი ”ოინის ავტორს”.მაგრამ როდესაც გარეთ გავედი, დავინახე ”იუნაიტედის” ფანები, რომლებიც მანჩესტერის ეკიპირებით იყვნენ შემოსილნი.იმ დროს ვიფიქრე, რომ თავს დამესხმეოდნენ, რადგან ერთი ვიყავი.”-უყვება ფერდინანდი ჟურნალ ”Four Four Two”-ს.-”შემდეგ ერთ-ერთმა მათგანმა თქვა:”ჩვენ ვართ ”იუნაიტედ ბოისი”, შენ უნდა მოაწერო ახალ კონტრაქტს ხელი”. მე ვუპასუხე, რომ არ ვიცოდი რაზე ლაპარაკობდნენ.მე ხომ მოლაპარაკებები სულ რაღაც ორი თვის წინ მქონდა დაწყებული.მათ ავუხსენი, რომ არ აღელვებულიყვნენ, რადგან მე მანჩესტერში ვრჩებოდი”.
რიომ ასევე ახსნა, თუ რატომ ისადილა რესტორანში კენიონთან ერთად.”მე მივდიოდი რომ მენახა ჩემი აგენტი, მაგრამ მასთან ერთად იყო პიტერი.შემდეგ ვიღაცამ გადაიღო ფოტო და დაიწყო ჭორები, რომ მე ”ჩელსიში” მივდიოდი.ეს მე იმ ბიჭებსაც ავუხსენი, რომლებიც ჩემ სახლთან შემხვდნენ.ვუთხარი, რომ ეს იყო უბრალოდ სისულელე და დავასაბუთე კიდეც.ამის შემდეგ ჩემმა მეზობელმა გამოუძახა პოლიციას, რის შემდეგაც ისინი წავიდნენ”.