მეკარე კეილორ ნავასი გამოტყდა, რომ ატირდა, როცა "მანჩესტერ იუნაიტედში" მისი გადასვლა სატრანსფერო ფანჯრის ბოლო დღეს ჩაიშალა.

შეგახსენებთ, "იუნაიტედსა" და "რეალს" რამდენიმე წუთი დააკლდათ იმისთვის, რომ დე ხეასა და ნავასის ბარტერი და პლუს 29 მლნ. ფუნტის გადახდა განეხორციელებინათ. ჭორები დადიოდა, რომ კეილორი უკვე თვიმფრინავში იჯდა და "რეალისგან" ნებართვას ელოდა, რათა მანჩესტერში გაფრენილიყო.

როცა ცნობილი გახდა, რომ ტრანსფერი არ შედგებოდა, 28 წლის კოსტარიკელმა ემოციები ვერ შეიკავა და ატირდა, რადგან მადრიდის დატოვება არ სურდა.

"ავტირდი, როცა გავიგე, რომ ვრჩებოდი. ემოციები გამომჟღავნდა. არ მინდოდა წასვლა, მადრიდი - ჩემი სახლია.

აგენტმა მითხრა, კავშირზე ვყოფილიყავი და ტელეფონი თან მქონოდა. ბარაჰასში (მადრიდის აეროპორტი) წავედი, მაგრამ თვითმფრინავში მაინც არ ჩავჯდარვარ, მოსაცდელ ოთახში ვიყავი.

"მანჩესტერ იუნაიტედთან" წინასწარი კონტრაქტი გავაფორმე, სამედიცინო შემოწმებაც გავიარე, მაგრამ ახლა ამ კლუბთან ერთად მინდა ისტორიის შექმნა და ამ სეზონში ყველაფრის მოგება. უნდა მოვუმატოთ, მაგრამ სწორ გზას ვადგავართ" - განაცხადა ნავასმა.

წყარო: theguardian