როგორც იცით, სულ ცოტა ხნის წინ Redarmy.ge-მ ახალ პროექტს, Fantasy Premier League-ს, ჩაუყარა საფუძველი. პროექტის მთავარი არსი მომხარებლების გახალისება და აქტიურობაა. ეს არის ძალიან საინტერესო, დაძაბული, სახალისო, აზარტული და ამავდროულად მომგებიანი გათამაშება.

პროექტს უკვე ძალიან ბევრი მომხარებელი ჰყავს და ისინი მოუთმელნად ელოდნენ პრემიერ ლიგის პირველ ტურს, რათა მოესინჯათ საკუთარი ძალები გათამაშებაში. მათ შორისაა ბევრი ისეთიც, რომელსაც ჯერ კიდევ უჭირს ბოლომდე ჩართვა და ეს სტატია სწორედ მათთვისაა. ვეცდები, ყველა იმ აქტუალურ და საჭირო კითხვას ვუპასუხო, რომლებიც მომხმარებლების მიერ იქნა დასმული. ასევე, შეგიძლიათ, კომენტარებში თქვენთვის საინტერესო რამ იკითხოთ და ჩვენც უპასუხოდ არ დაგტოვებთ:

სად დავრეგისტრირდე და როგორ?

ეს პროცესი ძალიან ადვილია, თუმცა ბევრს მაინც გაუჭირდა. http://fantasy.premierleague.com-ზე შესვლის შემდეგ ვირჩევთ რეგისტრაციის ღილაკს და ვავსებთ ყველა საჭირო ველს, გთხოვთ მიუთითოთ ის სახელი და გვარი, რომელიც პირადობის დამადასტურებელ დოკუმენტში გიწერიათ, რათა გამარჯვების შემთხვევაში ადვილი გახდეს იდენტიფიცირება. ყველა ზემოხსენებულის შესრულების შემდეგ, თქვენ მიერ მითითებულ ელექტრონულ ფოსტაზე მოგივათ ლინკი, რომლითაც ხდება ექაუნთის გააქტიურება. ლინკზე გადასვლის და გააქტიურების შემდეგ, თქვენ უკვე შეგიძლიათ გუნდის არჩევა. არ აგერიოთ Fantasy Premier League და Ultimate Fantasy Premier League რადგან ეს ორი სრულიად განსხვავებული გათამაშებაა. უფრო დაწვრილებით, რეგისტრაციის შესახებ იხილეთ აქ.

როგორ ჩავერთო Redarmy.ge-ს გათამაშებაში?

რეგისტრაციის გავლისა და გუნდის არჩევის შემდეგ, თქვენ შეგიძლიათ, გაწევრიანდეთ ლიგებში. ლიგა შეიძლება იყოს დახურული და ღია, დახურულ ლიგას აქვს თავისი კოდი, რომლის გარეშეც იქ ვერ გაწევრიანდებით. Redarmy.ge-მაც სწორედ დახურული ჯგუფი შექმნა, რომლის კოდია: 549483-303583. უფრო მეტი თვალსაჩინოებისათვის:




რამდენი მოთამაშის არჩევა შემიძლია?

გუნდის შექმნის პროცესში ირჩევთ 15 მოთამაშეს: 2 მეკარეს, 5 მცველს, 5 ნახევარმცველს და 3 შემტევს, რომელთაგან 11 იქნება ძირითადი მოთამაშე, ხოლო 4 სათადარიგო. ამასთან, პრემიერ ლიგის თითოეული გუნდიდან არ შეგიძლიათ 3 მოთამაშეზე მეტის არჩევა. გუნდის დასაკომპლექტებლად თქვენ 100 მილიონი გეძლევათ.


როგორ ვაგროვებ ქულებს?

გათამაშებაში გასამარჯვებლად ყველაზე მეტი ქულის დაგროვებაა საჭირო, ხოლო ეს ქულები ძალიან საინტერესოდ იწერება. განსხვავებულია ქულები პოზიციების მიხედვით, საერთო არის ის, რომ თითოეული არჩეული მოთამაშე 1-60 წუთის თამაშისას იღებს 1 ქულას, ხოლო 60+ წუთის მოედანზე გატარებისთვის 2 ქულას, ასევე ნებისმიერი მოთამაშე ყვითელი ბარათის მიღებისთვის ისჯება -1 ქულით, ხოლო წითელი ბარათის შემთხვევაში -2 ქულით.

გატანილი გოლი, მცველი/მეკარე - 6ქ.
გატანილი გოლი, ნახევარმცველი - 5ქ.
გატანილი გოლი, თავდამსხმელი - 4ქ.
მშრალად შენახული კარი, მცველი/მეკარე - 3ქ.
მშრალად შენახული კარი, ნახევარმცველი - 1ქ.
საგოლე გადაცემა - 3ქ.
ყოველი 3 სეივისთვის, მეკარე - 1ქ.
პენალტის მოგერიება - 5ქ.
პენალტის გაცუდება - (-)2ქ.
ყოველი 2 გაშვებული ბურთი, მცველი/მეკარე - (-)1ქ.

მემატება თუ არა სათადარიგო ფეხბურთელის მიერ მომატებული ქულა?

დიახ, თუმცა მხოლოდ გამონაკლის შემთხვევებში. სათადარიგო მოთამაშე მხოლოდ იმ შემთხვევაში გადაინაცვლებს ავტომატურად ძირითადში და მოგიმატებთ ქულას, თუკი ძირითადის რომელიმე ფეხბურთელმა უცაბედად ტრავმა მიიღო ან შეხვედრა გადაიდო, ასევე, სათადარიგო ფეხბურთელი ჩაერთვება საქმეში, თუკი მისი ამპლუის ძირითადის წევრმა 0 წუთი დაჰყო მოედანზე.

შემიძლია თუ არა სათამაშო ტაქტიკის შეცვა და როგორ?

დიახ, თქვენ შეგიძლიათ თქვენთვის სასურველი სათამაშო ტაქტიკის არჩევა, თუმცა ეს ხდება ავტომატურად: თუკი თქვენ მცველს შეცვლით ნახევარმცველით, თქვენი სისტემა ავტომატურად გადაეწყობა 4-მცველიანიდან, 3-მცველიანზე და ასე შემდეგ, თუმცა გახსოვდეთ, რომ თქვენს თერთმეტეულში აუცილებლად უნდა იყოს 1 მეკარე, მინიმუმ 3 მცველი, მინიმუმ 3 ნახევარმცველი და მინიმუმ 1 შემტევი.

შემიძლია თუ არა ტრანსფერის გაკეთება და როგორ?

დიახ, თქვენ შეგიძლიათ ტრანსფერების გაკეთება, თუმცა თითოეულ ტურში "უფასო" მხოლოდ 1 ტრანსფერია, ყოველ შემდეგზე დაგროვილი ქულებიდან 2-2 დაგაკლდებათ. ტრანსფერის გაკეთება ძალიან მარტივია, მთავარ ლენტაზე სადაც ქულების, ლიგისა და სხვა დანარჩენის ნახვა შეგიძლიათ, არის უჯრა "Transfers":



აქ გადასვლის შემდეგ, იმ მოთამაშის ზევით არსებულ ყვითელ უჯრედს მონიშნავთ, რომლის გაყიდვაც გსურთ და გვერდზე ჩამონათვლიდან აირჩევთ სასურველს, თუმცა გაითვალისწინეთ, რომ მხოლოდ იმ ამპლუის ფეხბურთელის დამატება შეგიძლიათ, რომელსაც ყიდით.



შემიძლია თუ არა ტრანსფერებისთვის ფულის მომატება?

არა, ეს თქვენ არ შეგიძლიათ, რადგან სისტემის მიერ ყოველი მომხმარებლისთვის ერთნაირი ოდენობის "ფულია" გამოყოფილი.

სად ვნახო რამდენი ქულა მაქვს?

საიტზე ავტორიზაციის გავლის შემდეგ, თქვენ ავტომატურად იქ შეხვალთ, სადაც თქვენი ქულები წერია:



1. ამა თუ იმ ტურში მოპოვებული ქულა.
2. საერთო ქულების რაოდენობა.

ასევე შეგიძლიათ ნახოთ თქვენ მიერ არჩეულ ლიგებში რომელ ადგილზე იმყოფებით:



რა პრივილეგია აქვთ კაპიტანს და ვიცე-კაპიტანს?

კაპიტანი არის მოთამაშე, რომელსაც შეხვედრაში მიღებული ქულები უორმაგდება, მაგალითად, თუ თქვენ მიერ არჩეულმა კაპიტანმა 5 ქულა დააგროვა, თქვენ 5-ის ნაცვლად 10 ქულა დაგემატებათ. რაც შეეხება ვიცე-კაპიტანს, მას მხოლოდ იმ შემთხვევაში გაუორმაგდება ქულები, თუკი კაპიტანი არ ითამაშებს, ტრავმისა თუ სხვა მიზეზის გამო.

რას ნიშნავს მოთამაშეების სახელებს ზევით არსებული ყვითელი, სტაფილოსფერი და წითელი უჯრები?

ხსენებული უჯრები ჩნდება მაშინ, თუკი მოთამაშეს აქვს ტრავმა ან დისკვალიფიკაცია და, სავარაუდოდ, გამოტოვებს შემდეგ მატჩს. ყვითელი უჯრა ნიშნავს იმას, რომ მისი თამაშის ალბათობა 75%-ა, სტაფილოსფერი უჯრის შემთხვევაში მოთამაშის მოედანზე გამოსვლა 50/50-ზეა, ხოლო წითლი უჯრა ნიშნავს, რომ ფეხბურთელი ვერ მიიღებს მონაწილეობას შემდეგ შეხვედრაში, სერიოზული ტრავმისა ან დისკვალიფიკაციის გამო.

რა არის უაილდქარდი?

უაილდქარდი არის შესაძლებლობა, ტურში გააკეთო შეუზღუდავი რაოდენობის ტრანსფერი "უფასოდ". თუმცა უაილდქარდის გამოყენება შესაძლებელია მხოლოდ 2-ჯერ- ერთხელ პირველ წრეში და ერთხელაც მეორე წრეში.