სეზონის დაწყებასთან დაკავშირებით გადავწყვიტეთ, ჩვენი ფან-კლუბის ფენტეზის ლიგა შეგვექმნა, სადაც ნებისმიერ მსურველს შეეძლება გაწევრიანება, მთელი სეზონის მანძილზე საკუთარი გუნდით ქულების მოპოვება და ცხრილში სათავეში მოხვედრა.

Fastasy Premier League პრემიერ ლიგის პროექტია, სადაც ყველას აქვს შესაძლებლობა, გახდეს გუნდის ვირტუალური მენეჯერი. ვებ-გვერდზე დარეგისტრირების შემდეგ, თქვენ შეგეძლებათ შექმნათ საკუთარი გუნდი, დაარქვათ სახელი, დააკომპლექტოთ გუნდი პრემიერ ლიგის 15 ფეხბურთელისგან, რომელთაგანაც 11 ძირითადის მოთამაშე იქნება, 4 კი სათადარიგოსი. ამ ვირტუალური თამაშის სირთულე იმაში მდგომარეობს, რომ ყველა ფეხბურთელის ღირებულება განსხვავებულია, თქვენ კი გიწევთ შეზღუდულ თანხაში რაც შეიძლება საუკეთესო და დაბალანსებული გუნდი შექმნათ.

პრემიერ ლიგის ყოველი ტურის შემდეგ, თქვენს ფეხბურთელებსა და თქვენს კლუბს დაეწერებათ ქულები. ქულების რაოდენობა დამოკიდებული იქნება იმაზე, თუ როგორ ითამაშებენ თქვენ მიერ არჩეული ფეხბურთელები რეალურ მატჩებში. (მაგალითად, თქვენ გუნდში აირჩიეთ უეინ რუნი და მან 8 აგვისტოს, "ტოტენჰემთან" მატჩში გოლი გაიტანა, ასისტი გააკეთა ან უბრალოდ კარგად ითამაშა, მას მაღალი შეფასება დაეწერება. ხოლო თუ ის სათადარიგოთა სკამზე აღმოჩნდა და მთელი მატჩი ვერ ითამაშა, მისი შეფასება 0 იქნება). ყოველი ტურის შემდეგ თქვენ შეგეძლებათ, გააკეთოთ ტრანსფერები და შეცვალოთ გუნდის შემადგენლობა. მოგიწევთ გაითვალისწინოთ ტრავმები, მოთამაშის ფორმა, გასული მატჩები, განსაზღვროთ მათი თამაშის შანსები და ამის მიხედვით დააკომპლექტოთ გუნდი.

ჩვენს საიტზე, ფეისბუქის გვერდსა და ჯგუფში ყოველკვირეულად დაიდება განახლებები სატურნირო ცხრილის შესახებ. საიტზე სპეციალურად გამოიყოფა სატურნირო ცხრილის ადგილი, სადაც ნებისმიერ დროს შეგეძლებათ ნახოთ, ლიგის რომელი წევრი ლიდერობს და რომელია აუტსაიდერი. ცხრილთან და სტატისტიკებთან ერთად, გამოვაქყვეყნებთ ყოველკვირეული გამარჯვებულის ვინაობასა და მის გუნდს.

სეზონის ბოლოს სატურნირო ცხრილის მიხედვით გამოვლინდება სამი გამარჯვებული, რომელთაც პრიზები გადაეცემათ. დაწესებული პრიზები არც განსაკუთრებულია და არც უბრალო ღირებულებისაა. ფან-კლუბი ცდილობს, შეინარჩუნოს ტრადიცია და არ დააწესოს სხვადასხვა სახის პრიზები იმ მიზნით, რომ მეტი ადამიანი "შემოვიტყუოთ" შეკრებებზე, ან გავზარდოთ კომენტარების რაოდენობა საიტზე. დაწესებული პრიზები უბრალო წახალისება იქნება ამ საინტერესო და აზარტული თამაშისა.

სეზონის ბოლოს სატურნირო ცხრილის
• პირველ ადგილოსანს გადაეცემა "იუნაიტედის" მაისური სასურველი ნომრით (საშინაო ან საგარეო)
• მეორე ადგილოსანს გადაეცემა ფერგიუსონის, უეინ რუნის ან დევიდ ბექჰემის ავტობიოგრაფიული წიგნი (სურვილის მიხედვით, რომელსაც აირჩევს)
• მესამე ადგილოსანს კი "იუნაიტედის" ჭიქა გადაეცემა

პროექტში სამი მარტივი წესია:
1. რეგისტრაციისას გამოიყენეთ თქვენი ნამდვილი სახელი და გვარი
2. ორი ან მეტი სხვადასხვა ექაუნთის გაკეთების შემთხვევაში მონაწილე დაიბლოკება
3. თამაშში მონაწილეობას იღებენ მხოლოდ "იუნაიტედის" გულშემატკივრები. სხვა კლუბის ფანს პრიზი არ გადაეცემა

ვეცდებით მარტივად აგიხსნათ გასავლელი პროცედურა. ვებ-გვერდზე დარეგისტრირება და ლიგაში გაწევრიანება ნებისმიერ დროს შეგეძლებათ. ჩვენი კოდია: 549483-303583