ლუი საას მიაჩნია, რომ "მანჩესტერ იუნაიტედმა" ზაფხულს თავდამსხმელი უნდა შეიძინოს და მისი აზრით "ლიონის" ფორვარდი ალექსანდრ ლაკაზეტი იდეალური კანდიდატია.

1982 წლის შემდეგ ფრანკ სტეპლტონის მერე უეინ რუნი პირველი ფორვარდი გახდა, რომელმაც 14 გატანილი გოლით გუნდის საუკეთესო ბომბარდირის სტატუსი მოირგო.

ამის გამო ლუი ვან გაალი გამტანი ფორვარდის შეძენას ითხოვს და სავარაუდო კანდიდატებად ჰარი კეინსა და კარიმ ბენზემას მიიჩნევს.

24 წლის ლაკაზეტმა კი 33 მატჩში ლიგა 1-ში 27 გოლის გატანა მოახერხა, რითაც ჩემპიონატის საუკეთესო ბომბარდირი გახდა 2014/15 წლების სეზონში.

საას კი მიაჩნია, რომ ლაკაზეტი სწორედ ის ფორვარდია, რომელიც "იუნაიტედს" სჭირდება.

"ვფიქრობ, აუცილებელია, რომ "იუნაიტედმა" თავდამსხმელი შეიძინოს, რადგან წინა ხაზში ყოველთვის გჭირდება კონკურენცია - სწორედ ეს სძენს ყოველ ფეხბურთელს განსაკუთრებულობას.

ასე რომ, დიახ, ცნობადი სახე ყოველთვის არ ნიშნავს, რომ მწვრთნელს გამოადგება. შეუძლია თუ არა ლაკაზეტს მოერგოს "იუნაიტედს"? ვფიქრობ, კი. ნათელია, მან საფრანგეთში კარგად ითამაშა, გაიტანა ბევრი, ბევრი გოლი, რადგან მას შეუძლია ითამაშოს უკნიდან, შეუძლია გაიტანოს შორიდან, ძალიან ჭკვიანი ფეხბურთელია".

წყარო: M.E.N.