შეცდომები

მატჩის შემდეგ სემ ელერდაისმა განაცხადა, რომ "მანჩესტერ იუნაიტედი" თამაშობდა პრინციპით: "დაარტყი წინ და დაელოდე, რა მოხდება." შესაძლოა ამაში არის სიმართლის მარცვალი, რადგან "იუნაიტედი" მატჩის მიწურულს მართლაც გადავიდა საჯარიმოში ჩაწოდებაზე და ასეთი ბურთების დაუფლებაზე (რასაც ბოლოს გოლი მოჰყვა), მაგრამ მსგავსი გამოთქმა იმ გუნდის მწვრთნელისგან, რომელმაც მთელი მატჩი ასეთივე სტილში ჩაატარა, სასაცოლია.



პრემიერ ლიგის ბოლო მატჩის შემდეგ საჰაერო ორთაბრძოლებში შესანიშნავი მოქმედება აღვნიშნეთ. სამწუხაროდ, "ვესტ ჰემის" წინააღმდეგ ამ კომპონენტში სრულად დავმარცხდით.

კარში პირველი დარტყმა და დევიდის სეივი მე-12 წუთზე შედგა, როცა სონგმა ჩააწოდა. როხომ ცუდად მოიგერია ბურთი, რომელიც ჩამორბენილ ენერ ვალენსიას მიუვიდა და მანაც საჯარიმოს გარედან დაარტყა.

გზას რომ არ გადავუხვიოთ, ვთქვათ, რომ "იუნაიტედის" გოლიც ასეთივე სქემით გავიდა: საჰაერო ორთაბრძოლაში მოქმედმა მცველმა ბურთი ჩამორბენილ ბლინდს მიაწოდა, რომელმაც დარტყმით ანგარიში გაათანაბრა.

მე-14 წუთი

ვალენსიას დარტყმის შემდეგ დავიდმა ბურთი კუთხურზე გადაიყვანა და კინაღამ ამას გოლი მოჰყვა.

ყურადღება მიაქციეთ მოთამაშეთა განლაგებას. ბლინდი და როხო საჯარიმოს ცენტრში მყოფ მოთამაშეებს ავიწროვებენ, სადაც ჩაწოდება ხდება.



საჰაერო ბურთზე ტომკინსი ჩამორბის, რომელიც ცოტათი ქვემოთ იდგა ჯონსის გვერდით. პირველი შეცდომა ის გახდა, რომ ფილმა ბურთის გადაწოდების საშუალება მისცა ფეხბურთელს, რომელსაც მეურვეობდა. მეორე შეცდომა ბლინდისა და ვალენსიას მოქმედებებია, რომლებიც ბურთზე თამაშობდნენ და არა თავიანთ მოთამაშეზე.

ყურადღება მიაქციეთ იმას, რომ კართან ან საჯარიმოს ხაზთან ჩაწოდებებს ერთნაირი ხიფათი მოსდევს, რადგან ბლინდისა და ვალენსიას მოთამაშეები აყვანილები არ არიან. ეპიზოდი ენერ ვალენსიას სახიფათო დარტყმით სრულდება.



34-ე წუთი

კიდევ ერთი ჩაწოდება და კიდევ ერთხელ წაგებული საჰაერო ორთაბრძოლა. ცენტრალური მცველები, როხო და ჯონსი შემტევი ფეხბურთელების შევიწროვებას ვერ უმკლავდებიან. დე ხეა ისევ შველის.



49-ე წუთი. კუიატეს გოლი

და კიდევ ერთი ჩაწოდება საჯარიმოში, რუნის მიერ "სადაც მოხვდება" თავით თამაშის შემდეგ ბურთი თერთმეტმეტრიან ნიშნულთან მიდის, სადაც კუიატე მშვიდად ჟონგლიორობს და ბურთს ბადეში გზავნის.

ისევ სუსტი თამაში ფეხბურთელებზე. ბურთზე თამაშისკენ ყველას სწრაფვა გვაოცებს. "იუნაიტედის" ხუთი ფეხბურთელი ერთ წერტილში და "ვესტ ჰემის" ორი დაუცველი ფეხბურთელი მარცხნივ და ცენტრში - ეს ყველაფერი საკმარისია განსაკუთრებული გარჯის გარეშე კარის დასალაშქრად.



87-ე წუთი

მატჩის მიწურულს შეიძლებოდა ანგარიში 2-0 გამხდარიყო. ცენტრში ჩავარდნას დავიდის კიდევ ერთი სეივი მოჰყვა.

ბურთი შორეულ ფლანგზე მდებარეობს, საიდანაც მოგვიანებით ცენტრში ჩაწოდება კეთდება, ამიტომ დავაკვირდეთ მოედნის ცენტრში მყოფი ფეხბურთელების განლაგებას. თითქოს, "ვესტ ჰემის" ორ ფეხბურთელს ბლინდი და დი მარია მეურვეობენ.



ერთი წამის შემდეგ სურათი იცვლება. დი მარია მოწყენილი სახით (ალბათ) აცილებს ნოუბლს,



ნოუბლი შესანიშნავი პოზიციიდან ურტყამს, ბლინდს უკვე აღარ შეეძლო დარტყმის დაფარება.





ნაკლებად სახიფათო ეპიზოდებს არ განვიხილავთ, რადგან ძალიან ბევრი იყო. ჯამში "ვესტ ჰემმა" 17 დარტყმა განახორციელა, რომელთაგან 6 კარში წავიდა. მაგრამ აღვნიშნოთ, რომ როხო და ჯონსი საკმაოდ სუსტად გამოიყურებოდნენ.

ამავდროულად, ფლანგის მცველები, შოუ და ვალენსია სავარაუდოდ მატჩის საუკეთესო ფეხბურთელებად იქცნენ. არ ცდებოდნენ, შეტევაში სიმწვავეს ქმნიდნენ, იგებდნენ ორთაბრძოლებს - მოწინააღმდეგე გუნდს ამ საღამოს შეესაბამებოდნენ.

გამარჯვების ფორმულა

სერ ალექს ფერგიუსონი ამტკიცებდა, რომ თუ შენი გუნდის რვა ფეხბურთელი ასრულებს დაკისრებულ მოვალეობას, ნებისმიერი მატჩის მოგება შეიძლება.

ასეთი იყო გუნდის სასტარტო შემადგენლობა:



მოდით, თითოეული მათგანი ცალ-ცალკე განვიხილოთ.

გაგრძელება