როგორც მოსალოდნელი იყო, მაიკლ კერიკი "ვესტ ჰემთან" გასვლით მატჩს გამოტოვებს, მაგრამ ის ერთადერთი ფეხბურთელია, რომლის იმედის ქონაც ვან გაალს მომდევნო მატჩში არ შეეძლება.

33 წლის ვიცე-კაპიტანი "ლესტერთან" მატჩის წინ დაშავდა და როგორც მწვრთნელმა განაცხადა, ერთ თვეს გამოტოვებს.

"მხოლოდ ერთი ტრავმირებული გვყავს და ისიც კარგად შრომობს. ვფიქრობ, ძალიან სწრაფად უნდა დაბრუნდეს. მალე, ვიდრე ველოდით, მაგრამ ამ სიტუაციას ყოველთვის მოცდა და დაკვირვება სჭირდება."

ამჟამად "წითელი ეშმაკები" სატურნირო ცხრილში მესამე ადგილზე იმყოფებიან და მეორე ადგილზე მყოფ "სიტის" 5 ქულით ჩამორჩებიან, თუმცა მეოთხე-მეხუთე ადგილზე მყოფ "საუთჰემპტონსა" და "არსენალს" თითო ქულით უსწრებენ. სემ ელერდაისის გუნდის წინააღმდეგ გასამართი შეხვედრა თავისებურად წარმოადგენს კიდევ ერთ რთულ მატჩს, რადგან ლონდონური გუნდი მაღალი მიზნებისკენ ისწრაფვის.

"ლესტერთან მატჩის წინ უკვე ვთქვი, რომ ეს მნიშვნელოვანი კვირაა და სამივე მატჩი უნდა მოვიგოთ. "ლესტერის" დამარცხების შემდეგ ლიგაში მესამე ადგილზე გადავედით, შემდეგ "კემბრიჯი" დავამარცხეთ და ინგლისის თასის მეხუთე რაუნდში გავედით.

ახლა კი ასე უნდა გავაგრძელოთ და ფეხბურთელებმა ეს იციან, მაგრამ რთული იქნება, რადგან "ვესტ ჰემთან" გასვლაზე ლონდონში ვთამაშობთ, მათთან მატჩი კი არც მანჩესტერში გამოგვივიდა იოლი. ადვილი არ იქნება, მაგრამ უნდა გავაგრძელოთ. ლონდონში აუცილებლად უნდა მოვიგოთ." - განაცხადა ვან გაალმა.

წყარო: manutd.com