"მანჩესტერ იუნაიტედი" დიდი ხანია ოთხეულში დამკვიდრდა, მაგრამ ანტონიო ვალენსია თავის გუნდს აფრთხილებს, რომ წინ დიდი ბრძოლაა.
სეზონის ცუდი დასაწყისის შემდეგ ვან გაალის შეგირდებმა წაუგებელი სერია შემოგვთავაზეს და ამჟამად სატურნირო ცხრილში მე-4 ადგილზე იმყოფებიან.
"იუნაიტედი" ორი ქულით ჩამორჩება მესამე ადგილზე მყოფ "საუთჰემპტონს", მე-5 ადგილზე მყოფ "არსენალს" კი მხოლოდ ერთი ქულით უსწრებს.
"ტოპ-გუნდებს შორის ძალიან ღია და რთული ბრძოლა მიმდინარეობს. მეორე ადგილს შვიდი ქულით ჩამოვრჩებით, ხოლო რამდენიმე გუნდი ჩვენ ჩამოგვრჩება სამი ან ოთხი ქულით."
"დარჩენილ მატჩებში მეტად უნდა ვიბრძოლოთ, რათა რაც შეიძლება მაღალ საფეხურზე დავასრულოთ ჩემპიონატი. სეზონი გრძელია და თავი ხელში უნდა ავიყვანოთ, რათა გულშემატკივრისთვის შედეგები მოვიპოვოთ."
"წინ ძალიან რთული მატჩები გვაქვს კარგი და ჩვენი კონკურენტი გუნდების წინააღმდეგ, მაგრამ თუ მაღალ კონცენტრაციას შევინარჩუნებთ, ოთხეულში მოხვედრის მიზანს მივაღწევთ." - განაცხადა ვალენსიამ.