ვინ იყო ბოლო პერიოდში საუკეთესო მოთამაშე ვარჯიშებზე?

მე ვიტყოდი, ჯეიმს უილსონი. ის ყოველთვის დიდ საფრთხეს წარმოადგენს, როცა მცველების უკან თამაშობს. ის ძალიან სწრაფია და მომენტებს წარმატებით იყენებს, რაც ნამდვილად არ იყო ჩემთვის სიურპრიზი, მაგრამ მაინც მაკვირვებს მის მიერ დარტყმულის სიძლიერე და მომენტის შესრულების სიზუსტე. ამ სეზონში ძალიან კარგად გამოიყურება ვარჯიშებზე და ვფიქრობ, მხოლოდ დროის საკითხია გუნდის თამაშზე მისი გავლენის ჩვენება.

ვინ გაიტანა ვარჯიშებზე საუკეთესო გოლი, რომელიც ოდესმე გინახავთ?

ალბათ, რაფას გოლი. როცა მოკლე თამაშს ვთამაშობდით, შესაძლოა რვა რვის წინააღმდეგ, ის ორივე ფრთაზე მოქმედებდა და 30-35 იარდის მანძილიდან კარის შორეული კუთხე დაბომბა. არ მახსოვს ვინ იდგა კარში, მაგრამ ის არც კი განძრეულა. ასეთი რამ მას მატჩშიც გაუკეთებია, მაგრამ ამჯერად ყველა უბრალოდ იდგა, მათ შორის მეკარეც, რაფაელი კი გოლის აღსანიშნად გაიქცა. ეს გასულ სეზონში მოხდა.

შეგიძლიათ ვარჯიშებზე თქვენ მიერ გატანილი საუკეთესო გოლის შესახებ გვესაუბროთ?

ვარჯიშებზე? სიმართლე გითხრათ, წელს რამდენიმე კარგი გოლი გავიტანე. მცველები თავდამსხმელების წინააღმდეგ ვთამაშობდით და ჩვენ ორი პატარა კარი უნდა დაგვეცვა, მოწინააღმდეგის დიდ კარში კი გოლი გაგვეტანა. გამჭოლი პასი მომცემს, შემდეგ მოვტრიალდი, ბურთმა ფელაინის ფეხებს შორის გაიარა, წინ მდგომი ვან პერსისთვის აცილებით დავარტყი და ბურთი კარში შეფრინდა. ასე რომ, კარგ ფორმაში ვარ!

ვარჯიშებზე ვინ არის ყველაზე კონკურენტუნარიანი ფეხბურთელი?

მინდა ვიფიქრო, რომ მე ვარ, მაგრამ ასევე ვიტყვი ვალენსიასა და ფლეთჩს. ალბათ უფრო მაინც ფლეთჩს ვიტყვი, რადგან ის თითოეულ თამაშს ისე იღებს, როგორც ნამდვილ მატჩს, მნიშვნელობა არ აქვს ვარჯიშის როგორი ტიპი იქნება. ამას ძალიან სერიოზულად ეკიდება და ძალიან კონკურენტუნარიანია.

5 მოთამაშიან გუნდში ვის შეიყვანდით?

კარგი, ერთადერთი მცველი მე ვიქნებოდი. ვფიქრობ, მარტოც გავართმევ თავს. შევიყვანდი დი მარიას - ანხელიც უნდა იყოს და ანტონიო ვალენსიაც. დიახ, სწორად მოგესმათ - ანხელი და ვალენსია, რადგან მათ ფართოდ თამაში შეუძლიათ. კიდევ ავიყვანდი (დიდ პაუზას აკეთებს) უაზასა და უილოს, მისი სისწრაფის გამო.

ვარჯიშების რომელი ნაწილი მოგწონთ ყველაზე მეტად?

სიამოვნებას ვიღებ იმ თამაშებისგან, რომელშიც 11-11 ვთამაშობთ. ვფიქრობ, პატარა თამაშები უფრო სასაცილოა, მაგრამ მაინც მირჩევნია 11-11 თამაში, რადგან ეს უფრო მატჩს ჰგავს, ვიდრე ვარჯიშს. ამას უფრო რეალური სახე აქვს და იმიტომ მომწონს, რომ კვირის ბოლოს მსგავს რამეს ხვდები.

წყარო: manutd.com