მატს ჰუმელსის შესაძენად "იუნაიტედმა" ნაბიჯი გადადგა.
მატს ჰუმელსი ლუი ვან გაალის დიდი ხნის სამიზნეა, რომელსაც "იუნაიტედში" დაცვის პრობლემის აღმოფხვრა სურს.
მიუხედავად იმისა, რომ დორტმუნდის "ბორუსია" ჰუმელსის გაყიდვა არ აპრებს, "იუნაიტედს" გერმანელების წინააღმდეგობა ვერ აჩერებს.
პირიქით, იტალიური პრესა იუწყება, რომ "მანჩესტერ იუნაიტედმა" "ბორუსიას" უკვე მიმართა საწყისი წინადადებით.
ჰუმელსს 30 მლნ.-დან 50 მლნ. ფუნტამდე აფასებდნენ და მიუხედავად იმისა, რომ უცნობია, რა რაოდენობის შეთავაზება გააკეთა "იუნაიტედმა", სავარაუდოდ თანხა ზემოაღნიშნულ რიცხვთან მიახლოეული იქნება.
ჰუმელსით "არსენალი" და "ბარსელონაც" ინტერესდებოდა, მაგრამ ჯერ-ჯერობით არც ერთ მათგანს კონკრეტული შეთავაზება არ გაუკეთებია.
გამომდინარე იქიდან, რომ დორტმუნდის "ბორუსია" ჩემპიონატში სირთულეებს განიცდის და წინა წლისგან განსხვავებით ჩემპიონობისთვის ვერ იბრძვის, გამორიცხული არ არის, რომ ჰუმელსმა გუნდი დატოვოს.
წყარო:
express.co.uk