რიო ფერდინანდმა "მანჩესტერ იუნაიტედში" გატარებული უკანასკნელი დღეების შესახებ საკუთარი შთბეჭდილებები გაგვიზიარა.
"გასული სეზონის მიწურულს გუნდი რაიან გიგზმა ჩაიბარა და ის რომ დარჩენილიყო, ჩვენ ახალ კონტრაქტს განვიხილავდით. არ ვიცოდი რა მელოდა წინ, ამიტომ უბრალოდ კლუბის ხელმძღვანელობის ვერდიქტს დაველოდე. მეჩვენებოდა, რომ "ოლდ ტრაფორდზე" დარჩენის შანსი მქონდა, მაგრამ ასე არ მოხდა. გიგზი მწვრთნელის პოსტზე არ დარჩა, ხოლო ჩემთან კონტრაქტის გახანგრძლივება არ ისურვეს. ასე რომ, გულშემატკივართან გამომშვიდობების საშუალება არ მომეცა. ყოველთვის ყველაფერი ისე არ სრულდება, როგორც ჩვენ გვინდა. მაგრამ სასოწარკვეთილებას არ მივეცი, რადგან ცხოვრება გრძელდება."
"ჰალთან" შეხვედრა სეზონის ბოლო მატჩი გამოდგა და გულშემატკივრების აპლოდისმენტების ფონზე თავში აზრმა გამიარა: "შესაძლოა ეს "მანჩესტერ იუნაიტედის" ფეხბურთელის რანგში "ოლდ ტრაფორდზე" გამართული უკანასკნელი შეხვედრა იყო. სამწუხარო იქნებოდა ფანებთნ გამომშვიდობების საშუალება რომ არ მომეცეს"... გამიგეთ, მე "ოლდ ტრაფორდზე" 12 სეზონი გავატარე და ამ ხნის განმავლობაში ბევრი მეგობარი შევიძინე, ბევრი ტიტული მოვიგე. მინდოდა ლამაზად წავსულიყავი."
"დევიდ მოიესის ხელმძღვანელობის ქვეშ მუშაობა არ მომწონდა. ამის მთავარი მიზეზი სათამაშო პრაქტიკის არ ქონა გახლდათ. ბევრი ადამიანი ამბობდა, რომ ჩვვენ მწვრთნელის მითითებებს უარვყოფდით, მის დავალებებს არ ვასრულებდით, მაგრამ ეს ყველაფერი სისულელეა. უბრალოდ გვიჭირდა სერ ალექსის ხელმძღვანელობის მოდელიდან დევიდ მოიესის სახელმძღვანელო მოდელზე გადართვა. მათ შორის უდიდესი სხვაობაა."- განაცხადა ფერდინანდმა.