ლუი ვან გაალი სამ მცველიანი ტაქტიკის მიზეზების შესახებ.
ლუი ვან გაალმა "ნიუკასლთან" გასამართი მატჩის წინ განაცხადა, რომ მას ხელები შეკრული აქვს და არჩევანის მცირე ვარიანტი რჩება.
მწვრთნელი ეშლი იანგისა და ანტონიო ვალენსიას დაცვაში თამაშით მოხარული დარჩა, მაგრამ მიაჩნია, რომ შემტევი სტილის ფეხბურთელები დაცვით ფუნქციებში უკეთესის სურვილს ტოვებენ.
თუმცა რაფაელისა და ლუკ შოუს ტრავმის გამო ვან გაალი იძულებულია სამი ცენტრალური მცველით ათამაშოს გუნდი.
ეშლი იანგმა და ანტონიო ვალენსიამ თავთავიანთი წვლილი შეიტანეს "ასტონ ვილასა" და "ლივერპულის" წინააღმდეგ მატჩებში, როცა პირველმა მათგანმა რადამელ ფალკაოს მიაწოდა საგოლე პასი, ხოლო მეორემ უეინ რუნის, თუმცა როგორც ვან გაალი აცხადებს, რაფაელისა და შოუს დაბრუნების შემდეგ გუნდი კვლავ დაუბრუნდება 4 მცველიან ტაქტიკას.
როცა ვან გაალს ჰკითხეს, რამდენად მოხარულია იგი ვალენსიასა და იანგის თამაშით, მან უპასუხა:
"ვარ, მაგრამ როგორც შემტევებით და არა მცველებით. ახლა იძულებული ვარ, შემტევი ნახევამრცველებით ვითამაშო, რადგან რეალური მცველები, რაფაელ და სილვა და შოუ საკმარისად ჯანმრთელები არ არიან და ეს ჩვენთვის კარგი არ არის. მინდა შემეძლოს ის ავირჩიო, რაც მსურს, მაგრამ ახლა არჩევანში შეზღუდული ვარ. მწვრთნელისთვის კი ეს ცუდია.""ნიუკასლთან" მატჩის წინ ვან გაალი ელოდება რამდენიმე ფეხბურთელის სრულ გამოჯანმრთელებას და მათ შორისაა ანხელ დი მარიაც, რომლის შესახებ ვან გაალმა განაცხადა:
"ჯერ კიდევ უნდა მოვიცადოთ. ეს ასევე გუნდის გამოწვევაა, რადგან ჩვენ საუკეთესო გუნდის ძიებაში ვართ, მაგრამ ყველა ფერხბურთელი ტრავმირებული იყო და ვერ ვირჩევდი იმ გუნდს, რომელიც მსურდა."manutd.com