სერ ალექს ფერგიუსონმა განაცხადა, რომ ის მოწინააღმდეგეზე ზეწოლას ახდენდა დამოუკიდებლად იმისა, თუ რამდენი წუთი იყო დარჩენილი მატჩის დასრულებამდე.
ფერგიუსონის "მანჩესტერ იუნაიტედი" ცნობილი იყო შეხვედრის უკანასკნელ წუთებზე მოპოვებული გამარჯვებებით, რაც მალე Fergie Time-ად მონათლეს.
BT sport-თან ინტერვიუში ფერგიუსონმა განაცხადა: "რა თქმა უნდა მოწინააღმდეგე შეშინებული იყო. სწორედ ამიტომ გამოვდიოდი მოედნის კიდეზე საათთან ერთად."
"მაგრამ მე თვითონ არასდროს ვუყურებდი საათს. მართლა. არ ვიცოდი რამდენი წუთი იყო დარჩენილი მატჩის დასრულებამდე, მაგრამ ეს მსაჯზე და მოწინააღმდეგეზე გავლენას ახდენდა. პატარა ეშმაკობა."
"იუნაიტედის" ერთ-ერთი ყველაზე ხმაურიანი გამარჯვება 2009 წელს ხმაურიანი მეზობლების წინააღმდეგ იქნა მოპოვებული, როცა მაიკლ ოუენის გოლით "იუნაიტედმა" დამატებით დროში 4-3 იმარჯვა.
"მანჩესტერ სიტის" იმჟამინდელი მწვრთნელი, მარკ ჰიუზი გაბრაზებული იყო იმით, რომ მთავარმა მსაჯმა 6 წუთი დაამატა მაშინ, როცა სარეზერვო მსაჯმა 4 წუთის დამატება უჩვენა.
"ოლდ ტრაფორდზე" თავი გამოიჩინა ფედერიკო მაკედამაც, რომელმაც იმავე 2009 წელს "ასტონ ვილას" კარში შეხვედრის 93-ე წუთზე გაიტანა გოლი.
თუმცა, უკანასკნელ წუთებზე გატანილი ყველაზე ცნობილი გოლი ოლე გუნარ სოლსკიაერის გოლია, რომელიც მან მიუნხენის "ბაიერნის" კარში ჩემპიონთა ლიგის ფინალში გაიტანა.