რობინ, თქვენ "საუთპემტონთან" გამართული მატჩის შემდეგ განაცხადეთ რომ, გულშემატკივარი ჰქომაგობდა გუნდს როგორც ძველ დროს. იგრძენით იგივე დღეს?

რა თქმა უნდა! ფანები იყვნენ შესანიშნავები პირველიდან ბოლო წუთებამდე. ისინი ნამდვილად მე-12 მოთამაშეები იყვნენ. მთლიანობაში ძალიან კარგი თამაში გამოვიდა, დავიდმა კი უმაღლეს დონეზე ითამაშა.

რაც არ უნდა გასაკვირი იყოს ასეთი რამ გამოდის, გუნდი იგებს 3-0 და მატჩის საუკეთესო მოთამაშე მეკარე ხდება...

(იცინის)მართალი ხართ ასეთი რამ იშვიათად ხდება, თუმცა დავიდმა ყველაზე კარგად ითამაშა, როგორც ყოველთვის ის საუკეთესო იყო. ჩვენი ბიჭია!

დავიდ, თქვენ შესანიშნავ ფორმაში ხართ! რას ფიქრობთ, რას შეიძლება ეს მივაწეროთ?

მე ძალიან ბედნიერი ვარ იმით რომ, შევძელით და "ლივერპულთან" შეხვედრაში 3 ქულა ავიღეთ. ძალიან კარგი მატჩი ჩავატარეთ, გავიტანეთ 3 გოლი - ეს საოცარი იყო.

მოგვიყევით თქვენ შთაბეჭდილებებზე, რომელიც მატჩზე დაგეუფლათ. პირველ ტაიმში პაექრობა ძირითადად რაჰიმ სტერლინგთან გიწევდათ, მეორე ტაიმში კი მას მარიო ბალოტელი დაემატა...

პირველ ნახვარში სტერლინგის 2 რთული დარტყმულის მოგერიება მომიწია, შესვენების შემდეგ კი მარიო ბალოტელიმაც შემიქმნა პრობლემები, ბიჭებმა კი შეძლეს და 3 გოლი გაიტანეს. უბრალოდ შესანიშნავი იყო!

როგორც ჩანს სრულებითაც არ გაღელვებს ყოველ მატჩში განსხვავებული უკანა ხაზის ხილვა.

როგორც იცით ბევრი ტრავმირებული გვყავს და ამიტომ მწვრთნელს უწევს როტაციას მიმართოს და ბიჭებიც თავს ართმევენ ამას.

რობინ, მატას გოლის მომენტში ხუანი თამაშგარე მდგომარეობაში იმყოფებოდა, თუკი თქვენ ბურთს შეეხეთ. იყო შეხება? გამეორებაზე ეს კარგად არ ჩანს

დიახ. მე შევეხე ბურთს და შეგიძლიათ საგოლე გადაცემა ჩამიწეროთ. (იცინის)

თქვენი აზრით რის ხარჯზე მიაღწია გუნდმა წარმატებას?

ვფიქრობ ასეთ მატჩებში ყველაზე მნიშვნელოვანია პირველი გოლის გატანა, ეს მოთამაშეებს ამშვიდებს. ჩემი აზრით მაიკლ კერიკის თამაშმა დიდი როლი შეიტანა ჩვენს გამარჯვებაში. ჯონი ევანსმა და ფილ ჯონსმაც ძალიან კარგად ითამაშეს.

დავიდ, "მანჩესტერ იუნაიტედი" ცხრილის სათავისკენ მიიწევს. ახლა უფრო მაღლა იხედებით?

დიახ ჩვენ ნაბიჯ-ნაბიჯ მივიწევთ წინ. ჩვენ გვსურს პირველი ადგილზე ყოფნა. თუმცა ამისთვის ძალიან ბევრი შრომაა საჭირო და ისეთი თამაშები, როგორც დღეს.






წყარო: carrick.ru