ლუი ვან გაალს მიაჩნია, რომ მას ნებისმიერი ფეხბურთელის გაუმჯობესება შეუძლია და მათ შორის უეინ რუნისაც.
ნაკრებისა და კლუბის რიგებში მიმდინარე სეზონში ჩატარებულ 16 შეხვედრაში რუნიმ 16 გოლი გაიტანა. უეინი "წითელი ეშმაკების" თამაშში მნიშვნელოვან როლს თამაშობს, რაც ლუი ვან გაალს თავის დამსახურებადაც მიაჩნია.
"რა თქმა უნდა, აქ მოსვლამდე მისი რეპუტაციის შესახებ გაგონილი მქონდა. მაგრამ ჩემი მოსვლის პირველ დღეებში ისეთი რუნი არ იყო, რომელზეც ყველა საუბრობდა."
"ჩემი აზრით, ვარჯიშებზე ის მისაბაძი მაგალითია. რა თქმა უნდა მან გარკვეულ დონეს მიაღწია."
"ვფიქრობ, ჩემი აქ ყოფნის პერიოდში ყოველთვის ითამაშებს, მაგრამ თუ ცუდი პერიოდი ექნება ალბათ შევცვლი."
"ახლა კი ის ჩემი კაპიტანია. ის არის ფეხბურთელი, ვინც სხვებისთვის მისაბაძია. ამიტომ კმაყოფილი ვარ. ისეთი შეგრძნება მაქვს ის ფეხბურთის სიყვარულისა და "მანჩესტერ იუნაიტედის" კაპიტნობის გამო ცოცხლობს."
"რა თქმა უნდა ნაკრებში კაპიტნობა მას ეხმარება "იუნაიტედში" წარმატებული კაპიტანი იყოს. მას ასე უფრო დიდი გამოცდილება აქვს."
"მაგრამ მინდა ყველას შევახსენო, რომ პირველად სწორედ მე დავნიშნე იგი კაპიტნად. როი ჰოჯსონი კი ჩემ რჩევას მიჰყვა."
"შემიძლია ნებისმიერი ფეხბურთელი გავაუმჯობესო. ვწუხვარ, ეს მაღალი შეფასებაა, მაგრამ შემიძლია." - განაცხადა ვან გაალმა.