"იუნაიტედი" ზაფხულში ვან პერსის გაშვებას გეგმავს.
"მანჩესტერ იუნაიტედი" მზადაა ზაფხულში რობინ ვან პერსის განშორდეს, რომელსაც მოქმედი კონტრაქტი მიმდინარე წელს ეწურება.
"წითელი ეშმაკები" 31 წლის ფორვარდის ფიზიკური ფორმით უკმაყოფილონი არიან, ამიტომ მის ნაცვლად "პსჟ"-დან ედინსონ კავანის, მიუნხენის "ბაიერნიდან" კი ტომას მიულერის შეძენას შეეცდებიან.
რობინ ვან პერსი, რომელიც დღეს თავის ყოფილ კლუბს, "არსენალს" დაუპირისპირდება მცირე პრობლემებს განიცდის თავდაჯერებულობასთან დაკავშირებით.
პრემიერ ლიგის 35 ფეხბურთელს შორის, რომელთაც მიმდინარე სეზონში სამი ან მეტი გოლი გაიტანეს ვან პერსის ყველაზე ცუდი პროცენტული მაჩვენებელი აქვს კარში დარტყმების მხრივ - საშუალოდ 13.6%
ვან პერსის სტატისტიკას თუ ჩავუღრმავდებით, კიდევ ერთი რამის თქმა შეიძლება - გასულ სეზონში ამავე პერიოდში ვან პერსიმ კარის მიმართულებით გაცილებით მეტჯერ დაარტყა, თუმცა საგოლე შანსი მათგან გაცილებით ნაკლებად იქმნებოდა. აღსანიშნავია ის ფაქტიც, რომ ვან პერსიმ მიმდინარე სეზონში მხოლოდ ერთი საგოლე გადაცემა გააკეთა.
იმ შემთხვევაში, თუ რობინ ვან პერსი "იუნაიტედს" დატოვებს, "წითლები" მის ნაცვლად ურუგვაელი ფორვარდის და გერმანელი შემტევის გადაბირებას ეცდებიან.
წყარო:
independent.co.uk