"იუნატედის" ბრაზილიელმა ნახევარმცველმა, ანდერსონმა, შესაძლოა საბოლოოდ დაასრულოს ინგლისური კარიერა და იანვარში მშობლიურ "გრემიოს" დაუბრუნდეს.

ანდერსონს, რომელიც უდავოდ ერთ-ერთი ყველაზე ჩაფლავებული ტრანსფერია სერ ალექსის ეპოქაში, "ოლდ ტრაფორდზე" მომავალი არ აქვს და ამასთან კონტრაქტიც ეწურება მომავალ ზაფხულს.

26-წლის ბრაზილიელმა მხოლოდ 2 მატჩი ჩაატარა მიმდინარე სეზონში და შეგვიძლია დარწმუნებით ვთქვათ რომ, ვან გაალის გეგმებში არ შედის. ის აგვისტოს შემდეგ არ გასულა მოედანზე და სავარაუდოდ ვეღარასდროს მოირგებს წითელ მაისურს, "იუნაიტედის" ემბლემით.

ანდერსონმა მართალია დაბლოკა ზაფხულში ბრაზილიაში ტრანსფერი, თუმცა ამჯერად მოუწევს დათანხმება და მშობლიურ კლუბში დაბრუნება.

"ყოველთვის არის შანსი ჩემი სამშობლოში დაბრუნების"- განუცხადა მან ერთ-ერთ რადიოს.

"ეს ჩემი სახლია და მე ყოველთვის პატივს ვცემ მათ - ეს ყველამ იცის, ასევე იქ დაბრუნება შანსს მომცემს ოჯახთან მეტი დრო გავატარო. "

ანდერსონის გადაბირებისადმი ინტერესს კიდევ ერთი ბრაზილიური კლუბი იჩენს და ეს "ფლამენგოა". ბრაზილიელმა, რომელსაც ერთ დროს რუნიზე უკეთესს უწოდებდნენ, პრემიერ ლიგის 4, ჩემპიონთა ლიგის, მსოფლიო საკლუბო ჩემპიონატის და საუკეთესო ახალგაზრდა ფეხბურთელის ტიტული მოიგო, თუმცა მიუხედავად ამისა მისი "იუნაიტედში" დარჩენის შანსები თითქმის ნულის ტოლია.


წყარო: M.E.N