ლუკ შოუ აცხადებს, რომ კრიტიკოსების შეფასების უსამართლობის დამტკიცებას იწყებს, რომლებიც "ოლდ ტრაფორდზე" მის გადასვლას სკეპტიკურად უყურებდნენ.
"დასაწყისში რამდენიმე ადამიანი მეკითხებოდა, იყო თუ არა "ოლდ ტრაფორდზე" გადასვლა მართებული გადაწყვეტილება. აქ გადმოსვლის შემდეგ თავს კარგად ვგრძნობ და იმედი მაქვს კრიტიკოსები აზრს შეიცვლიან და უფრო დადებით შეფასებამდე მივლენ, რადგან ჩემს შესახებ ბევრი ნეგატიური აზრი გამოითქვა."
"ვცდილობ სულით არ დავეცე და ყველას დავუმტკიცო, რომ ცდებოდნენ."
"შეიძლება ითქვას, რომ, კრიტიკამ გამაძლიერა. სწორედ ამან წამაქეზა, რათა ძლიერ მეცადა, უფრო მეტად მემუშავა და მევარჯიშა, რომ კრიტიკოსებისთვის დამემტკიცებინა, ისინი ცდებოდნენ."
"ყველასთვის არ დამიმტკიცებია, მაგრამ პროგრესირებას ვაგრძელებ, რათა ყველას ვაჩვენო, თუ რატომ შემიძინეს."
"ვფიქრობ, ახლა სახლში ვარ. ყველა კარგად მექცეოდა, არა მარტო მოთამაშეები, არამედ შტაბიც."
"ისინი ძალიან თბილად დამხვდნენ. ახლა მხოლოდ განვითარება, ვარჯიშებზე და თამაშში მეტად მუშაობა მჭირდება, რათა საკუთარი საუკეთესო თამაში ვაჩვენო."
შოუმ განაცხადა, რომ საუთჰემპტონიდან მისი მეგობრებისა და ოჯახის მანჩესტერში გადასვლამ მის დამკვიდრებას ხელი უფრო მეტად შეუწყო.
"ეს ახალი გარემოა ჩემთვის, მაგრამ ყველაზე კარგი ის არის, რომ ჩემი ოჯახი ჩემთან ერთად იმყოფება."
"დამოუკიდებლად საცხოვრებლად მხოლოდ მე, 19 წლის ბიჭი არ გადმოვსულვარ. ირგვლივ არაჩვეულებრივი ხალხი მყავს."
"დედა და მამა ჩემთან ერთად გადმოვიდნენ. ასე უფრო კომფორტულად ვგრძნობ თავს. ეს თავის დამკვიდრებაში მეხმარება, რადგან საუთჰემპტონშიც კი არასდროს მიცხოვრია მათთან ერთად, ასე რომ, ბედნიერი ვარ და დროს ოჯახთან ერთად ვატარებ."