"მანჩესტერ იუნაიტედის" მარცხენა მცველი, ლუკ შოუ "კრისტალ პალასთან" შეხვედრაში მატჩის საუკეთესო ფეხბურთელად დასახელდა.
"საუთჰემპტონიდან" გადმოსვლის შემდეგ ლუკ შოუმ "იუნაიტედის" რიგებში 7 შეხვედრა ჩაატარა და ამ მატჩების განმავლობაში მისმა გუნდმა ერთადერთხელ მოახერხა კარის მშრალად შენახვა.
პირველი ტაიმის მსვლელობისას ლუკ შოუმ შესანიშნავი გარღვევის შემდეგ სტუმრების მეკარეს, იულიან სპერონის თამაშში ჩართვა აიძულა, რამეთუ არგენტინელმა კიპერმა ინგლისელს ახლო კუთხეში დარტყმული დაბალი ბურთი აუღო.
არტურ ალბისტონი, წლების განმავლობაში "იუნაიტედის" მარცხენა მცველი აცხადებს: "შეგიძლიათ მარცხენა ფლანგის შესახებ 10 წლის განმავლობაში აღარ ინერვიულოთ. ის "იუნაიტედის" და ინგლისის ნაკრების ძირითადი შემადგენლობის რეგულარული წევრი გახდება."
"მსოფლიო ჩემპიონატის შემდეგ მისთვის ყველაფერი ძალიან სწრაფად მოხდა. საუბრების შემდეგ ის "იუნაიტედში" გადავიდა, მაგრამ დარწმუნებული ვარ, მწვრთნელი მას ენდობა. მართლაც კარგად ითამაშა "კრისტალ პალასის" წინააღმდეგ და მომავალში სწორედ ამას უნდა ელოდეთ."