სტადიონი: ETIHAD Stadium, მანჩესტერი მონაცემი: ინგლისის პრემიერ ლიგა, მე-10 ტური თარიღი: კვირა, 2 ნოემბერი, 2014 წელი მთავარი მსაჯი: მაიკლ ოლივერი მატჩის დასაწყისი: 17:30, (ჩვენი დროით)
კითხვის ნიშნის ქვეშ დგას "ქალაქელების" წამყვანი ფეხბურთელის, იაია ტურეს თამაში, თუმცა დიდი ალბათობით იგი თამაშში მონაწილეობას მიიღებს. დავიდ სილვა "ნიუკასლთან" გამართულ სათასო შეხვედრაში დაშავდა და ფრენკ ლამპარდთან ერთად მისი თამაში გამორიცხულია.[/center]
"მანჩესტერ იუნაიტედი"
ტრავმირებულები: იანგი, მაკნეირი, ლინგარდი, ევანსი, ვალენსია დისკვალიფიკაცია: არავინ კითხვისნიშნისქვეშ: ჯონსი, ფალკაო განაცხადი: Amos, De Gea, Johnstone, Lindegaard, Blackett, Blind, Jones, Rafael, Rojo, Shaw, Smalling, Vermijl, Carrick, Di Maria, Fellaini, Fletcher, Herrera, James, Januzaj, Mata, Valencia, Young, W Keane, Rooney, Van Persie, Wilson.
დერბიში "იუნაიტედს" გუნდის კაპიტანი სამ მატჩიანი დისკვალიფიკაციის მოხდის შემდეგ დაუბრუნდება, თუმცა წინა შეხვედრის მსგავსად საეჭვოა რადამელ ფალკაოსა და ჯონსის თამაში.
"მანჩესტერ სიტი"
მე-3 ადგილი, 17 ქულა
უკანასკნელი 6 შეხვედრა: ფ-ფ-მ-მ-მ-წ
გასული ტურის შეხვედრაში "მანჩესტერ სიტიმ" სეზონის მეორე მარცხი იწვნია. "ქალაქელები" "ვესტ ჰემის" წინააღმდეგ 2-1 დამარცხდნენ.
"მანჩესტერ სიტიმ" ყველა ტურნირის ეგიდით გამართული ბოლო სამი შეხვედრიდან 2 წააგო, ხოლო ერთი მატჩი ფრედ დაასრულა.
"მანჩესტერ იუნაიტედი"
მე-8 ადგილი, 13 ქულა
უკანასკნელი 6 შეხვედრა: მ-წ-მ-მ-ფ-ფ
მიმდინარე სეზონში "წითლებმა" მხოლოდ ორ შეხვედრაში შეინარჩუნეს კარი ხელშეუხებლად - ასეთი მატჩები გამოდგა "ქპრ"-სა და "ბარნლის" წინააღმდეგ გამართული შეხვედრები.
კლუბის მიერ დაგროვებული 13 ქულა მხოლოდ ერთი ქულით ნაკლებია წინა წლის მაჩვენებლებთან. 1990 წლის შემდეგ "იუნაიტედს" მსგავსი სტარტი არასდროს ჰქონია.
ლუი ვან გაალის გუნდმა მიმდინარე სეზონში სტანდარტული მდგომარეობიდან 6 გოლი გაუშვა. მსგავსი მაჩვენებლით მხოლოდ "კრისტალ პალასი" ჩამორჩება "იუნაიტედს" - 7 გაშვებული გოლი.
მოთამაშეების შესახებ ცნობები და პოტენციური რეკორდები
"მანჩესტერ სიტი"
წამყვანი ბომბარდირები: აგუერო - 11 გოლი (9 ლიგაში)
სერხიო აგუერო ერთ-ერთი ფეხბურთელი იქნება "სიტის" რიგებში მოთამაშე მრავალ არგენტინელთაგან, რომელთაც თანამემამულეების წინააღმდეგ თამაში მოუხდებათ.
"მანჩესტერ იუნაიტედი"
წამყვანი ბომბარდირები:რუნი, დი მარია, ვან პერსი - სამ-სამი გოლი.
დავიდ დე ხეას კიდევ ერთი "მშრალი" შეხვედრა 50-ე უგოლო შეხვედრა იქნება ესპანელისთვის.
"იუნაიტედის" კაპიტანი, უეინ რუნი მანჩესტერული დერბის ისტორიაში საუკეთესო ბომბარდირია.
"მანჩესტერ იუნაიტედმა" პრემიერ-ლიგის მიმდინარე გათამაშებაში 30 სხვადასხვა ფეხბურთელი ათამაშა, რაც ნებისმიერი სხვა გუნდის მაჩვენებელს აღემატება. მხოლოდ 2008/09 (33) და 2011/12 წლების (31) სეზონში ჰქონდა "იუნაიტედს" უფრო მაღალი მაჩვენებელი.
ურთიერთშეხვედრები
მოწინააღმდეგეები ერთმანეთს სხვადასხვა ტურნირის ეგიდით 166-ჯერ შეხვდნენ. "სიტის" ანგარიშზე 48 მოგება ირიცხება, ხოლო "იუნაიტედის" ანგარიშზე 68. 50 მატჩი კი ფრედ დასრულდა.
"მანჩესტერ სიტიმ" "იუნაიტედთან" გამართული ბოლო 6 შეხვედრიდან 5 მატჩი მოიგო, მათ შორის გასული წლის ორივე შეხვედრა, რომლებშიც "ქალაქელებმა" 7 გოლი გაიტანეს და მხოლოდ ერთი გაუშვეს.
"სიტის" პოტენციური გამარჯვება სარეკორდო აღმოჩნდება "ქალაქელებისთვის". ისინი "იუნაიტედს" ზედიზედ მეოთხედ დაამარცხებენ, რაც 1970 წლის შემდეგ არასდროს მომხდარა.
მიუხედავად ამ ფაქტებისა, ურთიერთშეხვედრების სტატისტიკა "იუნაიტედის" მხარეზეა: 59 მოგება 42 მარცხის წინააღმდეგ (მხოლოდ ჩემპიონატის მატჩები).
ურთიერთშეხვედრებში დაფიქსირებული სტატისტიკური მონაცემები