ერთი ქალაქის ორ გუნდში მოთამაშე 5 ფეხბურთელი.
ინგლისის პრემიერ ლიგის ისტორიაში ქალაქ მანჩესტერის ორივე გუნდის რიგებში მხოლოდ 5 ფეხბურთელს აქვს მაისური მორგებული.
კარლოს ტევესი
კარლოს ტევესი "იუნაიტედს" "ვესტ ჰემიდან" იჯარის წესით შეურთდა და "იუნაიტედის" ქომაგებს თავი ბრძოლისუნარიანობის გარდა ბოლო წუთებზე გატანილი გოლებით დაამახსოვრა.
"იუნაიტედიდან" პირდაპირ "სიტის" რიგებში გადასვლით, კარლოსი ტერი კუკის შემდეგ პირველი ფეხბურთელი გახდა, რომელმაც "წითლების" შემდეგ "ქალაქელების" მაისური მოირგო. 1999 წელს "ოლდ ტრაფორდზე" კონტრაქტის ამოწურვის შემდეგ ტერი კუკმაც იგივე გააკეთა.
ოუენ ჰარგრივსი
ოუენ ჰარგრივსი "ბაიერნიდან" დიდი თანხის სანაცვლოდ შეიძინა "იუნაიტედმა". ინგლისელი ფეხბურთელი "წითლებს" ჩემპიონთა ლიგის მოგებაში დაეხმარა, თუმცა გაუთავებელმა ტრავმებმა "ოლდ ტრაფორდზე" მის პროგრესს ხელი შეუშალა.
როცა კონტრაქტი ამოეწურა, ოუენმა შოკისმომგვრელი გადაწყვეტილება მიიღო და მეზობლებს მიაშურა, მაგრამ კარიერის დასრულებამდე მხოლოდ ერთხელ მოახერხა "ქალაქელების" მაისურით თამაშში ჩართვა.
ენდი კოული
"ნიუკასლიდან" 1995 წელს გადასვლის შემდეგ ენდი კოული "იუნაიტედის" ისტორიაში ერთ-ერთი საუკეთესო გოლეადორი გახდა.
ტრებლის მომგები გუნდის წამყვანი ფეხბურთელი "ტოტენჰემის" კარში ტიტულის მომტანი გოლის ავტორი გახდა. ნოტინგემში დაბადებულმა ფეხბურთელმა თავისი კარიერა "ბლექბერნში" განაგრძნო, რასაც "ფულჰემი" და მანჩესტერში დაბრუნება მოჰყვა 2005 წელს, თუმცა "სიტის" რიგებში.
ანდრეი კანჩესკისი
ანდრეი კანჩესკისი დონეცკის "შახტარიდან" გადასვლის შემდეგ "იუნაიტედის" ერთ-ერთ მთავარ ფეხბურთელად იქცა, რომლის დახმარებით გუნდმა 1993 წელს ლიგა მოიგო, მომდევნო წელს კი დუბლი შეასრულა.
1995 წელს "ევერტონში" მისი გაყიდვა ბევრს გაუკვირდა, მაგრამ მოგვიანებით ანდრეი იტალიაში, "ფიორენტინას" რიგებში გადაბარგდა. სერია A-ს გუნდმა იგი "სიტიში" გაანათხოვრა, სადაც მხოლოდ 10 მატჩის ჩატარება მოახერხა.
პეტერ შმეიხელი
1999 წელს "ბაიერნის" წინააღმდეგ მოპოვებულ ჩემპიონთა ლიგის გამარჯვებაში პეტერ შმეიხელი გუნდს კაპიტნობდა და იგი კლუბის ისტორიაში ერთ-ერთ ყველაზე წარმატებულ მეკარედ ითვლება.
დანიელი ფეხბურთელი "იუნაიტედის" შემდეგ "სპორტინგში" გადავიდა, მაგრამ ლისაბონი მალევე დატოვა და რამდენიმე წლის განმავლობაში "ასტონ ვილაში" ირიცხებოდა. ამის შემდეგ, შმეიხელი სხვებისდა გასაოცრად "სიტიში" გადავიდა და დერბიშიც კი მიიღო მონაწილეობა.
წყარო:
manutd.com