ტალინში დაფიქსირებულმა შედეგმა, რომლის მიხედვითაც ინგლისის ეროვნულმა ნაკრებმა ესტონეთის ეროვნულ ნაკრებს მინიმალური სხვაობით 1-0 სძლია, ინგლისელთა კაპიტნის უეინ რუნის თამაშის ხარისხზე ახალი ტალღები ააგორა.მოდი ერთად ვნახოთ თუ რა რეაქციები ჰქონდათ ჟურნალისტებს რუნის თამაშზე.

BBC Radio 5 - ის ჟურნალისტი

,,უეინ რუნი ძირითადში თამაშს არ იმსახურებს. ბევრი მის შესახებ ისე საუბრობს, თითქოს ის კრიშტიანუ რონალდუ იყოს. მას თავდაჯერებულობა აღარ აქვს. ცდილობს რომ ყველაზე კარგად ითამაშოს, მაგრამ პირიქით ხდება და ყველაზე ცუდი თამაში სწორედ მას გამოსდის. როი ჰოჯსონმა ფეხბურთელები არსებული ფორმის მიხედვით რომ აარჩიოს, რუნი ძირითადში ვერ მოხვდებოდა. მან გამარჯვების მომტანი გოლი გაიტანა, ეს იყო ის, რისი გაკეთებაც მოახერხა ორი მატჩის განმავლობაში. ბევრია ეს ?! ''

BBC-ის ექსპერტი დენი მილზი

,,მან ნაკრების გამარჯვებაში დიდი როლი ითამაშა. ის უმაღლესი კლასის ფეხბურთელად რჩება. შესაძლებელია მას მეტი თავდაჯერებულობა მართებს, მაგრამ მან გაიტანა და ესაა მთავარი. სხვებმა კი რაიმე ღირებულის გაკეთება და თავის გამოჩენა ვერ შეძლეს''

შეტევის დასრულება რუნისთვის ამ მატჩში მართლაც წარმოადგენდა პრობლემას, განსაკუთრებით პირველ ტაიმში. მაგრამ მან შეძლო თავისი თავის პოვნა და 73–ე წუთზე გოლიც გაიტანა. ამ მომენტში მან ზუსტადაც რომ აჩვენა თავისი მაღალი კლასი. ნაკრებში გატანილი გოლების რაოდენობა უკვე 43–მდე გაზარდა. ახლა ის ბობი ჩარლტონს 6 გოლით ჩამორჩება, ხოლო ჯიმი გრივზს მხოლოდ 1–ით. თუ მის რეალიზაციას ყურადღებას არ მივაქცევთ, კარგად დავინახავთ რომ ინგლისელთა გამარჯვებაში რუნიმ უდიდესი როლი ითამაშა.

ინგლისის ნაკრების საუკეთესო ბომბარდირები



ნაკრებში ჩატარებული მატჩები



თუ უეინი შეძლებს და ტრავმებს ააცილებს თავს, ძალიან მალე ის ნაკრების საუკეთესო ბომბარდირი გახდება, გადაასწრებს რა ლეგენდარულ ბობი ჩარლტონს. მაგრამ როგორც სჩანს ეს ფაქტიც კი ვერ დაარწმუნებს რუნის კრიტიკოსებს იმაში, რომ რუნი უმაღლესი კლასის ფეხბურთელია.

Carrick.ru