როცა ჟოზე მოურინიომ მატა "იუნაიტედს" მიჰყიდა, განაცხადა, რომ უპირატესობას ოსკარს ანიჭებს, რადგან ესპანელს არასაკმარისი დაცვითი უნარი აქვს. ამას ეწინააღმდეგება ის ფაქტი, რომ "რეალში" ყოფნისას მოურინიო "ათიანის" პოზიციაზე მესუთ ოზილს იყენებდა, რომელიც რბილად რომ ვთქვათ დაცვით თამაშში მატაზე უკეთესი არ არის.


"ათიანის" ძირითადი ვალდებულება - სივრცეებს შორის არსებულ ზონაში გადაადგილებაა, რაც შესაძლებლობას იძლევა ცენტრალურ ზონაში გარღვევა მოახდინოს და თავდამსხმელები ნახევარმცველებს დაუკავშიროს. ეს უკანასკნელი კი სწრაფი მობრუნების ან შეტევის მიმართულების ცვლით ხდება. როგორც ჯეიმისა და სებასტიანის სტატიაშია აღნიშნული, მატა დისკომფორტს განიცდის შეზღუდული სივრცის დროს და აუცილებლობიდან გამომდინარე კარისკენ ზურგით დგას.

შედეგად, მატა ვერ ახდენს "ათიანის" უნარის სრულ გამოვლინებას, რადგანაც ბურთის მიღებისას კარის მოპორდაპირე მხარეს იხედება. ხუანი მუდმივად ფლანგზე გადადიოდა, ან ბურთის მფლობელ ფეხბურთელთან ერთად მოქმედებდა მოედნის ცენტრში, რათა პირველი შეხების, მოტრიალებისა და წინ გადაცემისთვის თავისუფალი სივრცე მოეძებნა. ამით ის შეტევის ტემპს ანელებდა. მატა მოედნის საჭირო ზონაში არ ყოფნის გამო გუნდურ თამაშს გამოთიშული იყო.



მაგალითი 1

ნაცვლად იმისა, რომ მოწინააღმდეგის განლაგების შესაბამის ხაზზე დადგეს, მატა ცენტრალური ზონისკენ მიიწევს, სადაც თავისუფალი სივრცეა.



ფლანგზე უკვე ორი მოთამაშე დგას და მატას საჭიროება იქ აღარ არის.

ეს მისი მთავარი ნაკლია - თავისუფალი სივრცის ძიება და საკუთარი პოზიციის დაკარგვა.



მატა უნდა იდგეს თეთრი რგოლით აღნიშნულ პოზიციაზე, რათა ბლეკეტს შეტევის გაგრძელების უფრო მეტი ვარიანტი შესთავაზოს.



მაგალითი 2

ამ სურათზე მატა დგას მარჯვენა ფლანგზე, სადაც ერერასგან იღებს გადაცემას.



რადგანაც მატა შეტევის სიღრმიდან ჩამოდიოდა, იგი იძულებულია პასი კარისკენ ზურგით მდგომმა მიიღოს.



მეორე განსაკუთრებულობა და პრობლემა მდგომარეობს იმაში, რომ მატა არის №10 და მისი დავალება შეტევის გაგრძელების ვარიანტის ცენტრიდან შეთავაზებაა. ნათელია, რომ ეს შეუძლებელია, რადგან თავად ის ფლანგზე დგას. ამ ეპიზოდში მატა უკან მცველს უკეთებს პასს.

მაგალითი 3

მატა ისევ თავისუფალი სივრცისკენ იწევს...



...ნაცვლად იმისა, რომ ისრის მიმართულებით წავიდეს, რათა რაფაელს უფრო მეტი ვარიანტი შესთავაზოს შეტევის გაგრძელებისთვის.



რაფაელი იძულებით აკეთებს პასს მატაზე. პრობლემა მდგომარეობს იმაში, რომ ხუანის ასეთი თამაშის გამო დაცვა პოზიციების დაჭერას ასწრებს. შეტევა ჩამხშვალია.



მაგალითი 4

მატა უნდა იდგეს ცენტრში, როგორც №10.



ფლანგზე ის შეტევის გაგრძელების ვარიანტებს არ იძლევა. ბურთი უკან ბრუნდება.

***

ცენტრში მდებარე მოწინააღმდეგის მიერ შეზღუდულ სივრცეში თამაშის სურვილის არ ქონის ორი ძირითადი მიზეზი: არასაკმარისი ფიზიკური სიძლიერე და სწრაფი მოტრიალებისა და კორპუსით ბურთის დაფარვის უნარის არ ქონა.



მაგალითი 1



"ლესტერის" მეოთხე გოლის ეპიზოდში როხო პასს აძლევს მატას, რომელსაც მეტოქე მეურვეობს. ხუანი ვერ ახერხებს სწრაფად მოტრიალებას, ან ბურთის კორპუსით დაფარვას, რათა მეტოქე ზურგს უკან მოიტოვოს. ის უბრალოდ გამოთიშეს ეპიზოდს, რასაც სახიფათო კონტრშეტევა და გოლი მოჰყვა.

მაგალითი 2

ამ შემთხვევაში ბლინდი პასს აწვდის მატას, რომელიც თავის პოზიციაზე დგას.



მატას სამი ვარიანტი აქვს ერთი შეხებით შეტევის გასაგრძელებელად, მაგრამ მოწინააღმდეგე ძალიან ახლოს მოქმედებს და ესპანელს ძალა არ ეყო ბურთის კორპუსით დასაცავად. მას ჯაბნიან და იძულებული ხდება ბურთი უკან დააბრუნოს.





მატას გადაადგილებებმა მიგვიყვანა იქამდე, რომ თავისი სარისკო გადაცემების გარდა ის მხოლოდ გვერდით და უკან აკეთებდა პასებს, რაც შეტევის განვითარებას ნამდვილად არ ეხმარება. სხვა "ათიანები", როგორიც მაგალითად დავიდ სილვა და გაყიდული კაგავა არიან, ჩვეულებრივ ინტენსიურ, მოკლე პასებს იყენებენ, რათა ხელსაყრელ პოზიციაზე გავიდნენ და თამაში ახალ ფაზაში გადაიყვანონ.

უმეტეს შემთხვევაში, როცა მატა გვერდით ან უკან აკეთებდა გადაცემას, ნაცვლად იმისა, რომ გახსნილიყო, უბრალოდ მოედნის ზედა ნაწილში ბრუნდებოდა. სწორედ ამიტომ, მატას წვლილი თამაშის შენებაში ნაკლებია.

მაგალითი 1

მატა ტოვებს თავის პოზიციას და თავისუფალ ზონაში გადადის.



მას აღარაფერი დარჩენია, თუ არა შეტევის შემოტრიალება და ბლეკეტისთვის ფლანგზე პასის გადაწოდება.



ამის შემდეგ ხუანი ფლანგის გასწვრივ წავიდა წინ, თუმცა "ათიანის" ზონაში დგომით უფრო მეტი ვარიანტები უნდა შეექმნა შეტევის გაგრძელებისთვის.



მატა მუდმივად ეძებს თავისუფალ ზონას, თავის პოზიციას ტოვებს, რის გამოც ნახევარდაცვასა და თავდასხმას შორის კავშირი ირღვევა, რაც შეტევით ქმედებებს ვნებს.

მაგალითი 2

მატა ფლანგისკენ მიდის, სადაც თავისუფალი სივრცეა, რის გამოც ტოვებს თავის პოზიციას, მიუხედავად იმისა, რომ ფლანგზე ორი მოთამაშე დგას.



ნაცვლად ამისა, ის ცენტრისკენ უნდა მიიწევდეს, რათა ვან პერსის გაეხსნას.



საბოლოოდ, ამ ზონაში შემოდის რუნი, რომელმაც ბურთი მიიღო, მაგრამ შეტევის გაგრძელების ვარიანტი წინ არ არის, რადგან თავად რუნი უნდა იმყოფებოდეს გამწვავებაზე. ამ ეპიზოდში თავდამსხმელები სხვის სამუშაოს ასრულებენ.





http://livelifeunited.com/