ვან გაალი "ევერტონთან" მატჩის შემდგომ.
ლუი ვან გაალმა "მანჩესტერ იუნაიტედის" მთავარი მწვრთნელის რანგში პირველად მოიგო ზედიზედ ორი შეხვედრა. დღეს "იუნაიტედმა" "ევერტონს" საშინაო არენაზე ფალკაოს, დი მარის გოლებისა და დე ხეას საოცარი თამაშის წყალობით 2:1 სძლია.
თამაში ორივე ნახევარში: "ვესტ ჰემთან" მატჩის მსგავსად აქაც დიდებული პირველი ტაიმი ჩავატარეთ. უამრავი მომენტი შევქმენით, მაგრამ პირველ ტაიმში მხოლოდ ერთი გოლის გატანა მოვახერხეთ. შემდეგ კი ჩვენს კარში პენალტი დაინიშნა. პირველი ნახევრის უკანასკნელ წუთამდე "ევერტონს" არავითარი შანსი არ ჰქონია, მაგრამ საბედნიეროდ დე ხეამ პენალტი აიღო. შემდეგ კი ვიფიქრე, რომ მეორე ტაიმში უფრო გაგვიადვილდებოდა, რადგან "ევერტონს" გათანაბრება სურდა, ასე რომ, ჩვენ ბურთი უნდა დაგვეჭირა. მაგრამ ეს ვერ მოვახერხეთ. შემდეგ შეცვლა განვახორციელე, რათა გუნდის ორგანიზებას დავხმარებოდი, მაგრამ ჩემი ცვლილების მიუხედავად არაფერი გაუმჯობესებულა, რადგან ბოლო 15 წუთში მათ სამი დიდებული მომენტი ჰქონდათ."
დე ხეას თამაში: დავიდ დე ხეა დღეს ფანტასტიური იყო. როცა შენს წინ ამდენი ფეხბურთელი დგას ხედვა გიჭირს. როცა დარტყმა საჯარიმოს გარედან ხორციელდება ბურთის დანახვას ბოლო მომენტამდე ვერ ახერხებ, თუმცა მას არაჩვეულებრივი რეფლექსები აქვს.
ფალკაოს გოლი: დიახ, მას ეს გოლი სჭირდებოდა. მას ვესაუბრე და ვუთხარი, რომ გოლის გასატანად ბევრი უნდა ემუშავა. ის არის მოთამაშე, რომელსაც თითოეულ შეხვედრაში გააქვს გოლი, მაგრამ ახლა მოცდა მოუწევს. ახლა უკვე გაიტანა, საერთაშორისო შესვენების შემდეგ უკეთ იგრძნობს თავს.
დი მარიას თამაში: პრეს-კონფერენციაზე განვაცხადე, რომ ის გუნდური ფეხბურთელია, რამეთუ საგოლე პასებს აკეთებს და ბევრი გოლიც გააქვს. როცა ბურთს ვერ ვფლობთ გუნდში ბალანსი გვჭირდება. ამ პრობლემის გადასაწყვეტი საშუალება უნდა ვიპოვოთ. დი მარია შესანიშნავად მოქმედებს. ის დაცვაშიც მუშაობს, მაგრამ მეორე ტაიმში ჩვენი თამაში გაუმჯობესებას საჭიროებს. როცა ბურთს ვფლობთ, მისი შენარჩუნება უნდა შეგვეძლოს, ამას კი ვერ ვახერხებთ. ამიტომაც მეორე ტაიმი რთული იყო გულშემატკივართათვის, ფეხბურთელთათვის, შეცვლაზე შემოსულთათვის, ასევე მწვრთნელისთვის.
შოუს ტრავმა: მას მუხლზე ჰქონდა პრობლემა და მისი გამიზეზება შეიძლებოდა, ამიტომაც გავიყვანე.
წყარო:
manutd.com