რუნიმ ბოდიში მოიხადა, შაბათს გამართულ საშინაო მატჩში მიღებული წითელი ბარათის გამო.
"მანჩესტერ იუნაიტედის" კაპიტანი თამაშიდან 1 საათის შემდეგ მოედნიდან სტიუარტ დაუნინგზე წესების გამო გააძევეს.
28 წლის რუნიმ განაცხადა: "მაშინვე გავაცნობიერე, რომ წესები დავარღვიე"
"ეს ნამდვილი წითელი ბარათია და არამგონია გადაწყვეტილების გასაჩივრება ღირდეს."
"სწორი გადაწყვეტილება იყო. კონტრშეტევაზე მიმავალი "ვესტ ჰემის" ფეხბურთელი დავინახე და თამაშის შეჩერება მინდოდა, მაგრამ ეს წესების დარღვევით გავაკეთე."
"ბოდიში მოვუხადე მას. სახიფათო სიტუაცია იქმნებოდა მათი კონტრშეტევით, ამიტომაც საჩივარი არ მაქვს."
შევეცადე მასთან ახლოს მივსულიყავი და წესების დაცვით შემეჩერებინა, მაგრამ ის მოშორებით აღმოჩნდა, რის გამოც ფეხი წესების დარღვევით დავარტყი."
"მან ბურთი წინ გაიგდო, მე გაშლილი ფეხით ჩავარტყი, რის გამოც მსაჯმა ჩათვალა, რომ პირდაპირი წითელი ბარათი უნდა ეჩვენებინა"
რუნის ქმედება ნიშნავს, რომ იგი პრემიერ ლიგის სამ ტურს გამოტოვებს. 5 ოქტომბერს "იუნაიტედი" რუნის ყოფილ კლუბს, "ევერტონს" უმასპინძლებს, რასაც მოჰყვება "ვესტ ბრომვიჩთან" 20 ოქტომბერს გასვლითი შეხვედრა და ამავე თვის 26 რიცხვში სახლში "ჩელსის" წინააღმდეგ კაპიტანი მოედანზე არ იქნება.
"ყველაზე დიდი იმედგაცრუება სამი თამაშის გამოტოვება გახლავთ. რთულია ამის ატანა და განაწყენებული ვარ."
"საბედნიეროდ ინგლისის ნაკრების თამაშები ახლოვდება და "იუნაიტედის" ვარჯიშებიც კარგია. ეს ყველაფერი ფორმის შენარჩუნებაში დამეხმარება. დარწმუნებული უნდა ვიყო, რომ კარგად ვივარჯიშე და დასაბრუნებლად მზად ვარ."