"მანჩესტერ იუნაიტედისა" და ინგლისის ნაკრების კაპიტანამა, უეინ რუნიმ განაცხადა, რომ მისი კარიერის საუკეთესო პერიოდი ჯერ კიდევ წინ არის და ამასთან იმედოვნებს, რომ მთელი კარიერის განმალობაში "იუნაიტედში" ითამაშებს.
დღეს რუნი "მანჩესტერ იუნაიტედში" დებიუტის ათწლეულს აღნიშნავს, მთელი ამ პერიოდის განმავლობაში იგი ორჯერ იყო ახლოს "იუნაიტედის" დატოვებასთან - უკანასკნელმა ასეთმა შემთხვევამ სერ ალექსის წასვლის წინ იჩინა თავი.
თუმცა ასეთი ფიქრები რუნის მეტად აღარ აწუხებს.
"მეტად სარწმუნოა, რომ ჩემი კარიერის დარჩენილ ნაწილს აქ გავატარებ."
"დანამვდილებით ვიცი, რისი კეთება მსურს მოედანზე. ჯერ კიდევ მჯერა, რომ შემიძლია უკეთესი ფეხბურთელი გავხდე. მომდევნო 3-5 წლის განმავლობაში დაინახავთ, რომ სხვა ფეხბურთელად ვიქეცი. ვგრძნობ, რომ მომდევნო 2-3 წელიწადი ჩემი კარიერის საუკეთესო ეტაპი იქნება."
"მე ვარ სტადიაში, რომელშიც თამაშის შესახებ ბევრს იგებენ და სწავლობენ - განსაკუთრებით ამ კლუბში ათ წლიანი თამაშის შემდეგ. ახალგაზრდობაში გაცილებით მეტ ენერგიას ვხარჯავდი და მატჩის დასრულებამდე 15 წუთით ადრე ძალა აღარ მრჩებოდა. ვიღლებოდი, ფეხები აღარ იყო დასვენებული და შემეძლო მომენტი გამენიავებინა."
"ახლა უკეთესი ფეხბურთელი გავხდი, ვიდრე მაშინ ვიყავი. როცა ახალგაზრდა ვიყავი, მქონდა მომენტები, როცა გასაოცარ თამაშს ვაჩვენებდი, მაგრამ ახლა გაცილებით უკეთეს თამაშს ვაჩვენებ."