The Guardian-ი იტყობინება, რომ "მანჩესტერ იუნაიტედის" დაცვის ცენტრში არსებული კრიზისი გამო შესაძლოა პირველი გუნდის რიგებში სადებიუტო შეხვედრა ჩაატაროს პედი მაკნეირმა.
პედი "მანჩესტერ იუნაიტედის" სარეზერვო გუნდის ფეხბურთელი გახლავთ. სწორედ მისი დახმარების მოლოდინშია ლუი ვან გაალი, რადგანაც დაცვის ცენტრში "იუნაიტედს" ოთხი ცენტრალური მცველი აკლია.
19 წლის მაკნეირი კლუბს სამი წლის წინ შეუერთდა და კარიერა ცენტრალური ნახევარმცველის პოზიციაზე დაიწყო, თუმცა თანდათან ცენტრალურ მცველად გარდაისახა.
არსებობს იმის ალბათობაც, რომ პირველ გუნდში გამოძახებას დაიმსახურებს სარეზერვო გუნდის კიდევ ერთი ფეხბურთელი - ტომ ტორპი. ეს იმ შემთხვევაში, თუ ლუი ვან გაალი დაცვის ცენტრში როხოს ან დეილი ბლინდის დაყენებას არ მოისურვებს.