ანდერ ერერა აცხადებს, რომ იგი ძალიან ბედნიერი იქნებოდა თუ ისეთივე წარმატებული და გოლეადორი ფეხბურთელი იქნებოდა, როგორ "მანჩესტერ იუნაიტედის" ლეგენდა, პოლ სქოულზი.
ესპანელმა ნახევარმცველმა საკლუბო ტელევიზიას განუცხადა, რომ სქოულზი, რომელსაც 20 წლის წინ 22 სექტემბერს ჰქონდა "ოლდ ტრაფორდზე" დებიუტი ყოველთვის იყო მისი მისაბაძი მაგალითი.
საკვირაო შეხვედრა შესაძლოა არ იყო "იუნაიტედისთვის" ზედგამოჭრილი, მაგრამ ერერამ ამ შეხვედრაში გოლის გატანა მოახერხა. ესპანელს იმედი აქვს, რომ თავისი თამაშის ეს კუთხე სწორედ ის იქნება, რომელსაც სქოულზის დონემდე აიყვანს.
"გოლის გატანა ჩემი საუკეთესო უნარი არ არის. მაგრამ მიმაჩნია, რომ ნახევარმცველისთვის ძალიან მნიშვნელოვანია. მსოფლიოს საუკეთესო ნახევარმცველებს, თუნდაც ისეთს, როგორიც პოლ სქოულზია ასობით გოლი აქვთ გატანილი. მინდა უფრო მეტი გოლი გავიტანო და იმედი მაქვს, რომ ერთ დღეს სქოულზის მსგავსი ვიქნები."
"მას დიდ პატივს ვცემ და მისი ხილვით მუდამ სიამოვნებას ვიღებდი. ის ყოველთვის ბევრს მუშაობდა, ეხმარებოდა გუნდს და მომენტებს ქმნიდა არა მარტო საკუთარი თავისთვის, არამედ თანაგუნდელებისთვისაც. ვიცი, რომ რთული იქნება, მაგრამ ვისურვებდი ერთ დღეს მას ვგავდე."
იმავე ინტერვიუში ერერამ "იუნაიტედში" გატარებულ პირველ თვეებზეც ისაუბრა.
"რა თქმა უნდა ძალიან ბედნიერი ვარ, რადგან რამდენიმე თვეში ყველაფერი გამოვცადე - "ოლდ ტრაფორდი", ქალაქი და კლუბი. ახლა მესმის, რამდენად დიდია ეს კლუბი. ტურნეზე ყოფნა კარგია, მაგრამ როცა მანჩესტერში ჩამოდიხარ და "ოლდ ტრაფორდზე" თამაშობ, ხვდები თუ რას ნიშნავს "მანჩესტერ იუნაიტედი". მოვლენებისგან სიამოვნებას ვიღებ და მინდა კლუბს ჩვენი მიზნების მიღწევაში დავეხმარო."