"მანჩესტერ იუნაიტედის" მწთავარი მწვრთნელი, ლუი ვან გაალი ფიქრობს, რომ "ლესტერთან" მატჩში მისმა გუნდმა ძალიან ბევრი შეცდომა დაუშვა.
შეხვედრის მსვლელობისას 1-3 ანგარიშზე, "იუნაიტედმა" თამაში შეწყვიტა, რის გამოც დაისაჯა და საბოლოო ანგარიშად 5-3 დაფიქსირდა. ვან გაალი არ აპირებს თავისი გუნდის მცველების, ან მარკ კლატენბურგის დადანაშაულებას, რომელმაც "იუნაიტედის" კარში როი პენალტი დანიშნა. ლუი გუნდური თამაშის შესახებ ამჯობინებს საუბარს.
"ვფიქრობ, მაყურებელმა შესანიშნავი წარმოდგენა იხილა. კარგად დავიწყეთ და კარგი გოლებიც გავიტანეთ. მეორე ტაიმში კიდევ ერთი გოლი გავიტანეთ, მაგრამ შეხვედრა გამარჯვებამდე უნდა მიგვყავდეს, ეს კი ვერ მოვახერხეთ. ბურთის კონტროლი საჭირო დონეზე ვერ მოვახერხეთ."
"ძალიან ბევრი ფეხბურთელი გვყავს, რომელთაც გოლის გატანა სურთ. "არსენალის" და "სტოკის" წინააღმდეგ "ლესტერმა" უკვე დაამტკიცა, რომ მათ მატჩის შემობრუნება შეუძლიათ და ეს მშვენივრად გააკეთეს."
"პირველი პენალტის შემთხვევაში გადაწყვეტილება მსაჯს ეკუთვნის, მაგრამ როგორც მოთამაშე, ასეთ რამეს არ უნდა უშვებდე. უნდა გესმოდეს, რომ საჯარიმოში ხარ და მსაჯი დაუსტვენს თუ კი წესებს დაარღვევ. არ ვიცი იყო თუ არა პენალტი, მაგრამ ყურადღება საკუთარ თავს უნდა მივაქციოთ, რადგან ჩვენ, როგორც გუნდმა უამრავი შეცდომა დავუშვით."
"ვერ ვიტყვი, რომ ბედნიერი ვარ. ფეხბურთში ასეთი რამეები ხდება. როცა "ბარსელონას" მწვრთნელი ვიყავი, პირველ სეზონში შეხვედრის დასრულებამდე 15 წუთით ადრე 3-0 ვიგებდით, მაგრამ საბოლოოდ 3-4 წავაგეთ. ასეთი რამ ხდება, ასეთი ფეხბურთი, მაგრამ ამაში კარგი არაფერია, რადგან ყველაფერი ჩვენ ხელში იყო და შედეგი ხელიდან გავუშვით. საქმე მხოლოდ "ლესტერში" არაა, ეს ჩვენ დავუთმეთ მათ თამაში და ეს ძალიან არ მომწონს."
"ვერ იტყვი, რომ დაცვა სუსტია. მეორე ტაიმში "ლესტერი" გუნდურად თამაშობდა, ჩვენ კი არ ვთამაშობდით გუნდურად და არა მარტო დაცვაში. დაცვაში არსებული სიტუაციისთვის პასუხისმგებელი არა თუ ერთი ფეხბურთელი, არამედ მთელი გუნდია."