Daily mail გამოსცემს რიო ფერდინანდის წიგნის გვერდებს, რომელშიც რიო ფერდინანდი გასულ წლებს იხსენებს. მომდევნო ნაწილი კრიშტიანუსა რონალდუსა და ანტირასიზმული აქციისადმი ფერგიუსონის დამოკიდებულებას ეხება.
"მახსოვს 2006 წელს "ბენფიკას" წინააღმდეგ ჩემპიონთა ლიგაზე ვთამაშობდით და ეს ძალიან ემოციური დღე იყო რონალდუსთვის. მას სურდა დაემტკიცებინა პორტუგალიისთვის, რომ "მანჩესტერ იუნაიტედში" გადასვლის ღირსი იყო. საბოლოოდ, მთელი ჩვენი ყურადღება რონალდუსადმი იყო მიპყრობილი, თავად ის კი განსაკუთრებულ წარმატებას ვერ აღწევდა თავისი ინდივიდუალური მონაცემებითაც კი. იმ დღეს დავმარცხდით, სერ ალექსმა კი ის უბრალოდ გაანადგურა გასახდელში: "ჯანდაბა, შენ რა, თავში აგივარდა?"
მე უარი ვთქვი ანტირასიზმული მაისურის ჩაცმა მატჩის წინა გახურებაზე, რადგანაც ეს ორგანიზაცია უარს აცხადებდა ჯონ ტერისა და ჩემი ძმის დავაში ანტონისთვის მხარდაჭერას. მშობლები უბრალოდ ვერ გამიგებდნენ ასეთ სიტუაციაში. როცა გასახდელში დავბრუნდი, სერ ალექსმა მითხრა: "რამდენის უფლებას აძლევ საკუთარ თავს? მე ხომ ვთქვი, რომ ყველა მოთამაშეს ჩაეცვა მაისური?" მე ვუთხარი: "ჩემთვის ამ აქციიეს შესახებ აზრი არ გიკითხავთ და რომ გეკითხათ მაინც არავითარ შემთხვევაში არ ჩავიცვამდი." სერ ალექსი: "ასე არა, კარგი, მაშინ ამ კვირის ხელფასით დაჯარიმდები"
მომდევნო დღეს მის კაბინეტში შევხვდით. ის იჯდა, მე ვიდექი. სერ ალექსმა მითხრა: "მისმინე, მესმის, რომ შენი ოჯახის ინტერესთა სფეროს შესაბამისად მოქმედებდი. მაგრამ ამ ქმედების ფორმას არ ვეთანხმები. ჩემ ცოლს ვესაუბრე და ასე მითხრა: "ამ აქციის იდეა ბიჭთან ერთად განიხილე?" როცა უარყოფითი პასუხი გავეცი, მან მითხრა: "აი რაში შეცდი". ძალიან იშვიათად ვაღიარებ ჩემ შეცდომებს, მაგრამ მაშინ შენთან უნდა მესაუბრა. ჯარიმას გიხსნის. ისევ მიმაჩნია, რომ ის მაისური უნდა ჩაგეცვა, მაგრამ შენ ქმედებას ვიღებ." იმ მომენტში გაოცებული ვიყავი. მას შემდეგ სერ ალექსს კიდევ უფრო მეტად ვაფასებ.