"მანჩესტერ იუნაიტედის" კაპიტანმა, უეინ რუნიმ ჭორებს წერტილი დაუსვა და სერ ალექს ფერგიუსონს "მანჩესტერ იუნაიტედის" ყველა დროის საუკეთესო მწვრთნელი უწოდა.
თავის ავტობიოგრაფიულ წიგნში სერ ალექს ფერგიუსონი ღიად აცხადებს, რომ უეინ რუნის "იუნაიტედის" დატოვება მართლაც სურდა. რუნი ფერგიუსონის ხელმძღვანელობის ბოლო წლებში ხან არ თამაშობდა, ხან თავისთვის შეუფერებელ პოზიციაზე თამაშობდა.
რამდენიმე წლით ადრე კი რუნისა და ფერგიუსონს ერთმანეთშიც მოუხდათ შუღლი, რისი მიზეზიც რუნის მიერ კლუბის ამბიციებში საჯარო დაეჭვება გახლდათ. ასეთი შემთხვევა სულ ორჯერ იყო, თუმცა ორივე შემთხვევაში "იუნაიტედს" რუნისთან შერიგება და მისთვის ახალი, გაუმჯობესებული კონტრაქტის შეთავაზება მოუხდა.
თუმცა, ინგლისის ნაკრების კაპიტანმა დღეს ყველა ჭორს დაუსვა წერტილი და ფერგიუსონის მისამართით თბილი სიტყვები არ დაიშურა.
"სერ ალექსმა ჩემს კარიერაზე უდიდესი გავლენა იქონია. მისი მადლობელი ვარ, რადგან მომენდო და "ევერტონიდან" მომიწვია."
"ვფიქრობ, ის დაუჯერებელი ადამიანი და მწვრთნელია, რასაც თამაშისდმი მისი წადილი მაფიქრებინებს. რა თქმა ის ძალიან დამეხმარა და დაგხვემარა თითოეულ ჩვენგანს. როცა გუნდში მოვედი აქ უკვე იყვნენ ახალგაზრდა ფეხბურთელები. თითოეული ჩვენგანი ერთად შეგვკრიბა და ჩემპიონები გაგვხადა." ყველაფრისთვის მადლობელი ვარ.
"ოლდ ტრაფორდზე" გადაბარგების გახსენებისას რუნი აცხადებს: "ეს უდიდესი გრძნობა იყო! სერ ალექსი სამართლიანად ითვლებოდა საუკეთსოდ და მის მიერ ჩემი ნიჭის შემჩნევა და მოწვევა დიდი პატივი იყო ჩემთვის"
"ძალიან ვნერვიულობდი. აქ, კარინგტონზე უნდა შევხვედრილიყავით, რის შემდეგაც "ოლდ ტრაფოდზე" წავიდოდით, რათა დეტალები მოგვეგვარებინა. ეს ყველაფერი ძალიან უჩვეულოდ მოხდა. თავად წამიყვანა, მანქანაში მხოლოდ მე და ის ვისხედით. საშინლად ვღელავდი, მაგრამ სერ ალექსი იმდენად მოკრძალებული იყო, რომ უცებ დავმშვიდდი."
"ყოველთვის თავდაჯერებული ადამიანი ვიყავი, ხშირად ვიღებდი რთულ გადაწყვეტილებებს და ამას თავად ვაკეთებდი. ვწუხდი "ევერტონის" დატოვების გამო, მაგრამ აგენტსა და თანაგუნდელებს წინასწარვე ვაცნობე, რომ "მანჩესტერ იუნაიტედში" გადასვლას ვცდილობდი. არასდროს მინანია, რომ ასე მოვიქეცი."
"თავიდან ოჯახს ძალიან გაუჭირდა, რადგან მე მანჩესტერში გადავედი, ისინი კი ლივერპულში დარჩნენ, მაგრამ ეს ფეხბურთის ნაწილია."
რუნი ამჟამად 28 წლისაა და აცხადებს, რომ "ოლდ ტრაფორდზე" კონტრაქტის ამოწურვამდე სურს დარჩენა: "იმედი მაქვს ასეც მოხდება. მცირე ხნის წინ ახალ, ხანგრძლივ კონტრაქტს მოვაწერე ხელი და იმედი მაქვს, რომ 5 წლის შემდეგ მე და თქვენ დავსხდებით და აქ გატარებული 15 წლის იუბილესადმი მიძღვნილ ინტერვიუს ჩავწერთ. ვერავითარ მიზეზს ვერ ვხედავ იმისა, თუ რატომ არ უნდა მოხდეს ასე."