სანაკრებო თამაში სტერლინგის ირგვლივ აეწყობა.
ინგლისის ნაკრების თამაში უახლოეს შეხვედრაში, რომელსაც ინგლისელები შვეიცარიის ნაკრების წინააღმდეგ გამართავენ "ლივერპულის" ნახევარმცველის, რაჰიმ სტერლინგის ირგვლივ აეწყობა.
ამასთან დაკავშირებით, ინგლისის ნაკრებისა და "მანჩესტერ იუნაიტედის" კაპიტანი, უეინ რუნი ფლანგზე გადაინაცვლებს, რათა სტერლინგს თავისთვის საყვარელი "ათიანის" პოზიციაზე თამაშის საშუალება მიეცეს.
The Telegraph - ის ცნობით, როი ჰოჯსონი სხვადასხვა ტაქტიკურ სქემებს განიხილავს, მაგრამ ვარჯიშებზე ხშირად 4-2-3-1 ტაქტიკა გამოიყენება, რაც რუნისა და ალექს ოქსლეიდ-ჩემბერლენის დუეტს ფლანგზე, სტერლინგისა და უელბეკის დუეტს კი შეტევის ხაზში მოიაზრებს.
ალტერნატიულ შემთხვევაში ჰოჯსონს შეუძლია დენისა და რუნის ადგილები შეუცვალოს, ან 4-4-2 "რომბისებურ" ტაქტიკაზე გადაერთოს, რაც შეტევის ხაზში სწორედ დენისა და უეინის დაყენებას გულისხმობს.
დავამატებთ იმასაც, რომ დენი უელბეკის ძირითადში თამაშის საშუალება მიეცა მას შემდეგ, რაც დანიელ სტარიჯმა ტრავმა მიიღო.
წყარო:
fapl.ru