"ქუინზ პარკ რეინჯერსის" ცენტრალური მცველი, რიო ფერდინანდი "სისულელედ" თვლის "მანჩესტერ იუნაიტედის" მიერ დენი უელბეკის "არსენალში" გაშვებას.

"წითელი ეშმაკების" მწვრთნელმა, ლუი ვან გაალმა მარტივად მოიშორა თავიდან აკადემიის მიერ აღზრდილი უკანასკნელი პირველ გუნდში მყოფი ფეხბურთელი. მისი ტრანსფერი ლონდონელებს 16 მლნ. ფუნტი დაუჯდათ. ფერდინანდი, რომელაც ასევე დატოვა "ოლდ ტრაფორდი", დარწმუნებულია, რომ უელბეკი "იუნაიტედს" სინანულის მიზეზს მისცემს.

"ვერ ვიჯერებ, რომ "იუნაიტედმა" დენი გაუშვა, განსაკუთრებით "არსენალში". ეს სისულელე მგონია. დენი მცველების ნამდვილი რისხვაა და თუ "არსენალი" მას წარმატებით გამოიყენებს, იგი სახიფათო იქნება."

"დენის ყველაფერი აქვს იმისთვის, რომ ტოპ-კლასის ფეხბურთელი გახდეს. ინგლისურ ფეხბურთს ჯერ კიდევ არ უნახავს რისი მაქნისია იგი სინამდვილეში, რადგან მას საშუალება არ მისცემია."

"ვფიქრობ, ის "იუნაიტედში" იმედგაცრუებული იყო, რადგან მაშინაც კი, როცა კარგად თამაშობდა რუნი და პერსი მუდამ მის წინ იყვნენ. "არსენალში" კი მთავარი ფიგურა იქნება და ეჭვიც არ მეპარება, რომ ის გაიბრწყინებს."

"წარმოიდგინეთ რას სისწრაფე ექნება "არსენალს", როცა ყველა ჯანმრთელი იქნება. იქ არის ალექს ოქსლეიდ-ჩემბერლენი და მის წინ ბრწყინვალე სამეული თეო უოლკოტის, სანჩესისა და დენი სახით. გარანტიას გაძლევთ, ეს ბიჭები იამაიკელ უსეინ ბოლტსაც კი გაუწევდნენ კონკურენციას 4x100 ესტაფეტაზე."

წყარო: fapl.ru