მადრიდის "რეალის" პორტუგალიელმა ვინგერმა კრიშტიანუ რონალდუმ აღიარა, რომ ახლო მომავალში მას "მანჩესტერ იუნაიტედში" დაბრუნება სურს.
რონალდუ 5 წელია, რაც "იუნაიტედიდან" გადავიდა და სამეფო კლუბს შეუერთდა. მას შემდეგ მოყოლებული პორტუგალიელი ყოფილ კლუბს მუდამ საუკეთესო სურვილებს უსურვებს და იმედოვნებს, რომ ერთ მშვენიერ დღეს მანჩესტერულ კლუბს ისევ შეურთდება.
"მე მიყვარს "იუნაიტედი", ამ სიტყვებს უკვე მერამდენედ ვამბობ. "მანჩესტერი" მუდამ ჩემს გულში იყო, არის და იქნება. მათ შესანიშნავი გულშემატკივრები ჰყავთ და იქ დაბრუნება ძალიან მინდა."
"მე "რეალში" თავს კარგად ვგრძნობ. ამ კლუბთან კონტრაქტი მაკავშირებს, რომლის ვადაც 4 წელიწადში იწურება, მაგრამ არავინ იცის მანამდე რა მოხდება."
"მერწმუნეთ, "იუნაიტედი" ძველ დიდებას მალე დაიბრუნებს. იგი დიადი კლუბია, რომელსაც ყველა პატივს სცემს."
"დიახ, "მანჩესტერს" ძალიან რთული პერიოდი აქვს. წინა სეზონიც მათთვის ძალიან საშინელი იყო, მაგრამ ყველაფერი კარგად იქნება და "იუნაიტედი" ნელ-ნელა ათამაშდება."
"წითელმა ეშმაკებმა" სატრანსფერო ფანჯარაზე ძალიან იაქტიურეს. მათ სუპერსვარსკვლავები: ანხელ დი მარია და რადამელ ფალკაო შეიძინეს. ვფიქრობ, ისინი გუნდს მნიშვნელოვნად გააძლიერებენ."-განაცხადა რონალდუმ