ჯექსომ მაკ'გალი რვა საინტერესო ფაქტს გვთავაზობს მარკოს როხოს ცხოვრებისა და კარიერის შესახებ.
8. როხოს სრული სახელი არგენტინაში არ არის უბრალოდ მარკოს როხო, სინამდვილეში, მისი სახელი უფრო უნიკალური და გრძელია - ფაუსტინო მარკოს ალბერტ როხო.
7. როხო ცნობილი საფეხბურთო მოძრაობის, რაბონას ფანია. ამ მოძრაობას ფოტოზე ხედავთ. მარკოსს უყვარს მისი გამოყენება და ზუსტადაც გამოსდის, არ აქვს მნიშვნელოვა ის შეტევაშია თუ საკუთარი ნახევრიდან ბურთის გამოტანას ცდილობს, ის ამ ორიგინალურ ხერხს ძალიან ხშირად იყენებს.
6. როხომ ევროპული კარიერა რუსეთსი დაიწყო, მოსკოვის "სპარტაკში". ერთ წლიანი ასპარეზობის შემდეგ, ის თავის ბავშვობის კლუბს, "ესტადიანტესს" დაუბრუნდა (2010 წელს). მარკოსი 2012 წელს შეუერთდა "სპორტინგს" და ალბათ სწორედ ამ გადაწყვეტილებამ გააცნო მისი თავი არგენტინის ნაკრების მწვრთნელს და მოგვიანებით მთელ მსოფლიოს.
5. როხო პორტუგალიელებს ორი წლის წინ, 3.5 მილიონ ევროდ შეუერთდა. წელიწადში ის საშუალოდ 12 მილიონ ფუნტს გამოიმუშავებდა. "სპორტინგმა" მარკოსით ისარგებლა და "იუნაიტედს" სანაცვლოდ ნანის იჯარით დაბრუნება მოთხოვა, რაზეც დადებითი პასუხი მიიღო.
4. ის მრავალმხრივი მოთამაშეა, შეუძლია დაცვაში რამდენიმე პოზიციაზე ითამაშოს, ხშირად ჩაერთოს შეტევებში. თავისუფლად შეიძლება მარკოსი "იუნაიტედში" მარცხენა მცველად ვიხილოთ, ან მარცხენა ვინგერად, ან ცენტრალურ მცველად.
3. როხო ტატუების დიდი მოყვარულია და მისი ტანი ნახატებითაა სავსე. ის, დანიელ აგერის მსგავსად, უკვე თავადაც აკეთებს ტატუს და კარგადაც გამოსდის.
2. "იუნაიტედის" როხო იაფი სულაც არ დაუჯდა. გავრცელებული ინფორმაციით, წელიწადში მისი საშუალო შემოსავალი 20 მილიონი ფუნტი იქნება. ამავე რაოდენობის თანხას იღებდა ნანი ყოველწლიურად.
1. როხო გამოწვევებს არ უფრთხის. 24 წლის მცველი უშიშრად ერთვება ორთაბრძოლებში. ამის გამო, მას საინტერესო სტატისტიკა აქვს: 21 ყვითელი და 4 წითელი ბარათი 49 მატჩიდან!