3-09-2014, 12:43
ნანახია: 2190,
კომენტარები: 11
ლუი ვან გალი: "მე გამოწვევა მივიღე"
დაჯილდოების შემდეგ, რომელიც ორი დღის წინ ამსტერდამში გაიმართა, ლუი ვან გალმა ისაუბრა ადგილობრივ ჟურნალისტებთან, სადაც გარკვევით თქვა, რომ თავის სამწვრთნელო კარიერას "მანჩესტერ იუნაიტედში" დაასრულებს
დაჯილდოების შემდეგ, რომელიც ორი დღის წინ ამსტერდამში გაიმართა, ლუი ვან გალმა ისაუბრა ადგილობრივ ჟურნალისტებთან, სადაც გარკვევით თქვა, რომ თავის სამწვრთნელო კარიერას "მანჩესტერ იუნაიტედში" დაასრულებს
"არა, მე არ ვნანობ, რომ ასეთი გადაწყვეტილება მივიღე- აცხადებს ვან გაალი - მე "მანჩესტერ იუნაიტედში" სერიოზული პოსტი დავიკავე და ვიცი, თუ რაოდენ საპასუხისმგებლოა იგი. სიტუაცია გუნდში ისეთი აღმოჩნდა, როგორიც მე წარმომედგინა. რა თქმა უნდა, მე შემეძლო უფრო მარტივი გადაწყვეტილება მიმეღო და "ტოტენჰემში" წავსულიყავი, სადაც ჩემი სამუშაო და მიზნები ნაკლებად მაშტაბური იქნებოდა, ვიდრე ეს "მანჩესტერშია". მაგრამ მე მივიღე ყველაზე რთული გამოწვევა, რაც კი შეიძლება დღევანდელ საფეხბურთო სამყაროში ნახოთ, და მე ნამდვილად მინდოდა მემუშავა ინგლისის საუკეთესო გუნდში და არა "ტოტენჰემში".
ფინანსური თვალსაზრისით, არც ტოტენჰემი მთავაზობდა პატარა თანხას, მაგრამ ჩემთვის, "იუნაიტედი", პირველი გუნდია მთელს ბრიტანეთში. არ ვნანობ, რომ პირდაპირ მანჩესტერში ჩამოვედი მსოფლიო ჩემპიონატის დასრულების შემდგომ. მე გავუმკლავდები ამ სამსახურს, ამისთვის საკმაოდ დიდი ენერგია მაქვს. ამ ენერგიით გუნდი და ფეხბურთელები მამარაგებენ ზურგს. მე მიხარია, რომ ასეთი სამსახური მაქვს. ისიც მახარებს, რომ ჯერ კიდევ ძალზედ ბევრია ამ გუნდში გასაკეთებელი და ამისთვის მზად ვარ.
მე, ჩემი სამწვრთნელო კარიერის დასრულება სწორედ აქ, "მანჩესტერ იუნაიტედში" მინდა ვიყო. ძალიან მინდა ბევრი ტიტული და სიხარული მოვუტანო მათ, ვინც ამ გუნდთან არის დაკავშირებული. მინდა სიხარული დავინახო მათ სახეებზე, როდესაც ჩემი კომპიუტერების სპეციალისტი ერთ ვიდეოში მოათავსებს ყველა საუკეთესო მომენტს, რაც კი ჩვენ ერთად გადაგხვდენია თავს. ყველაზე მეტად მიყვარს ეს მომენტი. ეს არა ერთხელ გამიკეთებია სხვა გუნდებთან, ასევე ჰოლანდიასთანაც და ვხედავდი, რომ ფეხბურთელებსაც მოსწონდათ ეს. ეს საოცარი რამაა, რაც ძალიან დიდ მოტივაციას აძლევს მწვრთნელს. და, რა თქმა უნდა, მე ყოველთვის ბედნიერი ვარ, როდესაც ვხედავ, რომ ჩემი ფეხბურთელები ასევე ბედნიერები არიან.
მომისმინეთ, თავს ტყუილად ნუ იტყუებთ. ყველა მწვრთნელს სიამოვნებს, როდესაც მასზე კარგს ლაპარაკობენ და დადებით შეფასებას აკეთებენ. მეც ასევე. მე ვერ ვიმუშავებდი აქამდე, რომ არა ხალხი და მათი სიყვარული ჩემს მიმართ. ვერავინ ვერ შეძლებდა. მაგრამ ამასთან ერთად, ასევე გამართლებაც გჭირდებათ. ჩემი კარიერის დასაწყისში, მე ძალიან გამიმართლა, იმიტომ რომ, "აიაქს" ჩემი გაგდება უნდოდა პიველ წრეში, მაგრამ მათ არ დაკარგეს ჩემი რწმენა და ახლა ხედავთ, თუ რას მივაღწიეთ ჩვენ ერთად."